ہک کِراڑ دا خط
دھریجہ نگر ءِچ کِراڑ رہندے ہن ۔ اساں تاں نی ݙٹھے ، وݙے ݙسیندن جو بگے مل دی ہٹی مشہور ہئی ،ٻڈھے آکھدن ہوندے پھٹیں ءِچوں پھٹیاں چوری چا تے پوپ گھندے ہاسے ۔ مثال بݨ ڳی جو ’’پھٹیاں وی بگے مل دیاں تے پوپ وی بگے مل دے‘‘آکھدن ݙاڈھے چنگے لوک ہن ، ہر خیر چنگائی تے رَلے ہوندے ہن ، کِراڑ لݙ ڳے تاں ابا سئیں ݙسیندن جو سال ݙڈھ بعد مولانا یار محمد صاحب کول ہک کِراڑ دا خطہ آیا ہا ، لکھیا ہس جو اساں جتھاں رہندوں اُتھاں بارشاں ٻہوں ہن ، ݙو مہینے توں واچھڑ مینہہ ءِ۔اساں مونجھ توں مردوں گھر دی مونجھ آئی ء ِ، اتھاں دی نی لڳدا وستی دے وݙے کراڑیں کوں ݙاڈھا یاد کریندے ہن تے ہنائیں دیاں ڳالھیں سُݨیندے ہن ۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان