ہک وپاری دا قصہ
ڳالھیں ءِچوں ڳالھیں نکلدیاں ہن ۔ بحثاں تھیندیاں ہَن ۔میݙے ابا سئیں ڳالھ کریندے ہن جو چاچڑاں شریف اچ کپڑے دے ہک وپاری سیٹھ فتح محمد دا ہک ملنگ نال مسلک بارے جھیڑا تھی ڳیا ۔ سیٹھ فتح محمد ملنگ کوں لٹا تے ہک مچھ کپ گھدی ۔ ملنگ خواجہ فرید دے دربار اچ فیصلے کیتے پیش تھی ڳیا، خواجہ صیب ملنگ نال محبت کیتی تے پیار نال سمجھایا جو کہیں خلیفے کوں برا بھلا نہ آکھ، اے ڳالھ شریعت مطابق ٹھیک کائنی ۔ ایندا صرف زیان ءِی زیان اے ۔ ایندے نال ءِی آپ قینچی نال ملنگ دی ݙوجھی مُچھ دا رُخ ٹھپیئا ، غسل کرایا ۔ پاوݨ کیتے نویں کپڑے اتے پنج روپے جیب خرچ ݙتے ۔ ملنگ خواجہ فرید دے پیرں اچ ڈھئے پیا تے اپݨے ورتاوے توں ہمیش توبہ کیتی ۔سیٹھ فتح کوں آکھیا:
فتحی آ ! بیٹھے کوں نہ اُٹھا تے سُتے کوں نہ چھیڑ
طالب تھی رب دا اپݨی کوں آپ نبیڑ
اے سݨ تے دیو بند مسلک نال تعلق رکھݨ آلا سیٹھ فتح محمد وی آپ دے پیریں اچ ڈھہہ پیا تے فریدی تھی ڳیا۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان