ہک تیر نال کئی شکار
انگریز جڈن ہندوستان تاجر بنْ تے آندا ہا تے اوں ڈٹھا جو اے مارکا تتر تے بٹیر دا شکار پالتو سِکھا ہویا ٹرینڈ تتر بٹیر دی بولی تے الارے اُتے کریندن --ہک تتر نال کئی دا شکار کرو صرف بولی اُتے۔- اوں اتھاؤں کم دی گالھ پکڑی تے ہندوستان ءچ پہلے اپنے بندے بنْائے انھاں کوں سُدھا سِکھا تے تیار کیتا جیہڑے رنگ انگ بولی گالھ مُہاڑءچ بلکل او ویں ہن جیویں مقامی ہندوستان دے لوک پر اندروں سکھے پڑھے انگریز دے جنہاں دا کم صرف اتنا ہا جو مقامی بولیاں لہجے طور طریقے ءچ انگریز دی گُڈی چڑھائی رکھو تعریف کیتی رکھو ۔۔۔۔۔اگوں انگریز اپنْا کم آپ کریسی۔۔۔۔۔۔ دوستو میں اپنْی پوسٹس ءچ بار بار زکر کیتا ہا جو ممدو کتھائیں نہ کتھایں لمبے لمبے فلسفے، لفظاں دے تھبے، تہاڈے ڈکھ ءچ اپنْی سانجھ رلا تے ہنجو کڈھیندا پنجرے دے سِکھے پڑھے تتر آلی کار تہاڈی بولی بُلیندا آنْ رلسی۔۔۔۔۔ سئیں میڈا شو شروع ء مارکا دول پٹیندے کُوکاں مریندے آ پُجن۔۔۔۔۔جی ہا سئیں اے مضمون مشتاق گاڈی عرف شاکا صیحب دا شاہکار "وصل دا گنڈھا " ہے جیندا چھلڑ لہائی ونجو جو ہُنْیں گُلی آئی تے آئی پر آخری چھلڑ تئیں کجھ نئیں لبھنْاں سوائے جو دھاڑ وُو سرائیکیاں نال ہتھ تھی گئے پر مارکا اے ہتھ پیپلزپارٹی نئیں کیتا اے تاں ڈو پنجابیاں کیتے ایندے ءچ پی پی پی دا کیا قصور ء۔۔۔۔۔۔۔۔۔ وُوے عقل دے وڈو اے ڈو پیپلزپارٹی دے وڈ پردھان منتری ہن کوئی تہاڈے آلی کار پارٹی دے ممدو کھدو کُوئی نئیں جو سرائیکی بارے کجھ وی کرن تے کوئی گالھ نئیں ۔۔۔۔ اے پیپلز پارٹی دی اعلیٰ قیادت ء جیہڑی زرداری دی صلاح اجازت تے مشورےدے بغیر پشاپ وی کرنْ نئیں ویندے تے اے تاں سینٹ، آئین پارلیمان جمہوریت تے پیپلزپارٹی دی تاریخ دا تاریخی فیصلہ ہا ۔۔۔۔۔ انھاں آپ چا کیتے ۔۔۔۔۔۔ اج اے پیپلزپارٹی دی مداح سرائی تے قبراں ءچ سُتا استاد فدا حُسین گاڈی دی روح وی روندی ہوسی جو ایں خدمت گزاری ءچ فدا حسین گاڈی دا ناں بطور سرائیکی وکیل ، پیپلزپارٹی دی وکالت پاسوں استعمال تھئے ۔۔۔۔۔ پیپلزپاڑٹی دا مرثیہ پڑھدے ونجو تے روندے ونجو۔۔۔
شہزاد عرفان