ہک تاریخی اَکھاݨ
چولستان وِچ مروٹ ناں دا ہک قلعہ ہے جیکوں چتوڑ دے حاکم مہروٹ نے صدیاں پہلے اُسروایا ہا ۔ آکھیا ویندے جو مہروٹ دے راجہ چچ نا ل جنگ لڑی ہئی ۔ ایں قلعے دا حاکم ’’سوڈھا رائو‘‘ ریہ ڳے جیندے بارے ہک تاریخی اَکھاݨ ہے:
ہاکڑہ پھروی وہسی، ندیاں رہسِن پُور
نہ جٖایا نہ جٖاسی ، سوڈھا راء امیر
ایہ اَکھاݨ وی شعر دی شکل اِچ ہے تے غالباً 14ویں صدی عیسوی دا نظردے ، ایں اَکھاݨ وچ سوڈھا رائو سردار دی تعریف کیتی ڳئی ہے ، جیندی حکومت انصاف اُتّے قائم ہئی اَتے اوہ لوکاں وچ ٻہوں مقبول حکمران ہا۔