ہوشو شیدی

سرائیکی وسیب دے لوک ہک ویلھے ترائے چار مُکیں دے مالک ہوندے ہن ، انہاں ملکیں وچ سلطنت ملتان ، ریاست بہاولپور، ریاست دیرہ غازی خان ،ریاست خیر پور تے ہکے ویلھے سندھ دے بادشاہ مثلاً سومرے سمے سرائیکی ہَن ۔ سندھ تے قبضے کیتے نیت دے کھوٹے حملے کریندے رہ ویندے ہن تے سرائیکی ماء دھرتی دے حلالی پُتر انہاںدے نال مقابلے کریندے ہن۔ انہاں حلالی پُتریں وچوں ہک ناں ہوشو شیدی ہا۔ جݙاں حملہ آوریں سندھ تے حملہ کیتا تاں ہوشو شیدی ہکل ݙتی ’’ سر ݙیسوں ‘ سندھ نہ ݙیسوں ‘‘ ۔ اڄ ہوشو شیدی تے ایندے ایہے لفظ سندھ دی تریخ دا حصہ بݨ ڳن ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء