ہندو شاعر

دھریجہ نگر دی کچاہری ءِچ کجھ لوک لݙ ونڄݨ والے ہندوئیں  کوں  یاد کریندے ہَن ۔ شعر وی پڑھدے ہَن آکھدن دلو رام شاعر ہا تے موجی  تَخلص کریندا ہا ۔ ’’سب کجھ کر ݙکھلیندے پیسہ، خان تے جام بݨیندے پیسہ‘‘ ہوں  لکھیاہا ۔ قصہ غافل ، سس نونہہ دا جھیڑا تے ݙیراݨیاں  دا جھڳڑا وی ہُوں  لکھیا ہئی۔آکھدن علی پور دے رہݨ آلا ہئی ۔ہک واری کچاہری ءِچ اے وی ݙسیا ڳیا جو مولانا عبیدا للہ سندھی کوں  اپݨی دھرتی دی زبان ، سرائیکی زبان نال بے پناہ محبت ہئی ۔ انہاں  سرائیکی زبان جیڑھی جو اوں  ویلھے بہاولپور وچ ریاستی زبان اکھویندی ہئی کوں  درسی زبان بݨاوݨ کیتے ’’ ریاستی زبان دا قاعدہ ‘‘ خود تحریر فرمایا تے اینکوں  جمعیت الانصار خانپور شائع کیتا ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان