ہنج دا فیض (کتاب)

وکیپیڈیا توں

وسوں ءچ استاد نذیر دی کتاب

"ہنج دا فیض"

استاد نزیر فیض مگی دی شاندار کتاب جیکوں جناب عزت مآب سئیں ڈاکٹر شکیل پتافی مشہور شاعر و سکالر ترتیب ڈتی اے ۔۔ڈاکٹر شکیل پتافی دی محنت کتاب کوں مکمل دستاویز بنڑاں ڈتے۔۔ہک کتاب اچ ڈو کتاباں ہن۔۔ہک کتاب پرانی اے جیرہی پہلے چھپی ہائ ۔۔۔ڈوجھی کتاب او ہے جیرہی شاعری نہ چھپ سگی ہائ۔۔استاد نزیر فیض دے بارے ڈاکٹر صاحب ہر سوال دا جواب لکھیے ۔۔۔ہوندی زندگی دے بارے ہر گال مکمل تحقیق دے بعد لکھیس ۔۔مرحوم دے دوست احباب ،یار بیلی ،سنگ سہیلی ،آڑا پاڑا حق ہمسایہ ،خویش قبیلہ ،شجرہ نسب پورا پورا لکھیس ۔۔۔ڈاکٹر شکیل پتافی ہر نظم دے تلوں ہوندی باہر لکھی ہس اے کمال دی گال اے۔۔کتاب اچ ڈاکٹر خلیل الرحمن صاحب دا مضمون شامل ہے ۔۔تساں پڑھسو تاں تواڈے واسطے نواں انکشاف ہوسی ۔۔جو ڈاکٹر صاحب بہوں اچھے قلم کار تے صاحب طرز لکھاری ہن۔

خرامہ خرامہ باد صباء وانگوں گھر گھر لفظیں دی سوغات ونڈیندی,نظمیں دی سوغات ونڈیندی, پیر فرید دے فرمان مطابق دھیرے دھیرے سفرکریندی پئی اے.کتاب کیا ھ کہیں بھاگ وند انسان دے خوش بخت لکیریں دا نقشہ زندہ اور توانا اکھراں دا انمول خزانہ لکھ ہزار تھورے طاہر مگسی دے, پروفیسر شکیل پتافی دے کتاب ٹھہا تے اساکوں سکھ دان کیتے.

"ہنج دا فیض" نذیر فیض دا ڈوجھا جنم اے.

شاندار تے اچھی بات کوں اگوں تے ٹوری رکھو,مندے گالھ کوں ایویں لکاؤ جیویں رب رحمان رحمت دی شال ءچ اساڈے گناہ لکیندے. سرائیکی سوجھوان عثمان کریم بھٹہ آکھیے جو پورے فاضل پور وچ سب توں معتبر جاہ نزیر فیض دی بنچ اے،ایں توں پہلوں رزاق سالک ہک شعر لکھیا ہا،

شاہ کوں منہ تے سچ اہدا ہا... عادت ہس کجھ لچی، ہوندی ترٹڑ بنچ ہئ..تخت لاہور توں اچی

پورے پاکستان دے دوست مرحوم دی مسند کوں آفس سڈیندے ہن،ہٹی(دوکان) بنچ کوئی نہ آہدا ہا. استاد دی کتاب "ہنج دا فیض" ٹھہاون تے ڈاکٹر شکیل پتافی کوں سلام.

صوفی تاج گوپانگ

حوالے[لکھو | ماخذ وچ تبدیلی کرو]