ہمراز شاہجمالی

اصل ناں       ریاض حسین

قلمی ناں        ہمرازؔ شاہجمالی

جمن            1953ء

تعلیم            پرائمری

پیشہ            مکینک 

فون نمبر         0345 0327169

جاہ پتہ          ڈاکخانہ شاہجمال موضع احمد موہانْہ تحصیل و ضلع مظفر ڳڑھ

غزل

ایں دل دی بقا کیتے دلدار ضروری ہے

دنیا دی ضرورت نئیں پر یار ضروری ہے

کوہ طور دے جلویں دی کئی خاص ضرورت نئیں

پر یار دے چہرے دا چمکار ضروری ہے

غم ہووے محبت دا یا کوئی بٖیا ہووے

غم دور کرنْ کیتے غمخوار ضروری ہے

شادی دا جشن ہووے یا موت دا ماتم سئیں

ہر حال محبت دا اظہار ضروری ہے

در آئے فقیراں کوں خالی نہ ولا چھوڑیں

مفلس تے کرم کرنْاں سرکار ضروری ہے

محفل دے اندر پردہ فطرت دا تقاضا ہے

ہمرازؔ تنہائی وچ دیدار ضروری ہے