ہمراز سیال اوچوی

اصل ناں ہمراز سیال ہے۔ 1974ء کوں پیدا تھئے۔ احمد پور شرقیہ ضلع بہاولپور دے ڄموڑ ہن۔ سرائیکی ماء دھرتی دے سرائیکی زبان نال ٻہوں محبت رکھدن۔سرائیکی شاعری وی کمال دی کریندن۔ سرائیکی شاعراں اچ انہاں دا ہک نویکلا مقام ہے۔ ٻہوں چنڳے انسان ہن۔

ناں      ہمراز سیال اوچوی   

جمن          1974ء   

جاہ پتہ        محلہ شمیم آباد ،اوچ شریف تحصیل احمد پور شرقیہ،بہاول پور

شعری مجموعہ ’’ہر پھُل زخمی‘‘دے خالق ہمراز اوچوی دا ایں توں ودھ بیا کیا تعارف کیتا ونج سگدے جو آپ کوں حضرت جانباز جتوئی دا شاگرد ہوون دا اعزاز حاصل ہے۔ ماشاء اللہ۔

غزل

ہک دور آوناں ہے پانی شراب تھیسی

انکار جئیں وی کیتاہونکوں عذاب تھیسی

ادراک تیڈا بہوں اے، لفظاں دا ہیں توں بابا

گہرا تیڈا تخیّل ہک ڈینہ عقاب تھیسی

لفظاں دے موتی پوویں،’’ا‘‘توں لا تے’’ی‘‘ تئیں

شاعر دعاء کریسن، تیکوں ثواب تھیسی

ہر کئی حیران تھیسی الفاظ تئیں توں سُن تے

تیڈی لسان جگ وچ عِشُّو شتاب تھیسی

ڈکھ ڈیکھ ڈر نہ پوویں ،پُگڑاں ای جے کرائیں

ہمرازؔ اوچوی ہر جاؤں تیکوں اداب تھیسی