ہمت علی شاہ رضوی

آپ دی پیدائش 20ربیع الاول 1290ھ وچ تھئی۔آپ روہڑی دے رضوی سادات گھراݨے دے ڄم پل ہن۔ روہڑی سٹیشن دے نیڑے یعقوب علی شاہ دی ڳوٹھ اِچ رہندے ہن۔ انہاں دے ہتھ دی لکھی ہوئی کتاب موجب انھاں دی تاریخ پیدائش معلوم تھئی اے۔ پَر انہاں دی وفات بارے صحیح معلوم نہیں تھی سڳیا۔ صرف اتنا پتہ لڳ سڳے جو تیرھویں صدی دے اخیر اِچاو زندہ ہن۔ ہک چنگے شاعر ہن۔ انھاں دے کلام وچ رَس ٻہوں ہے کئیاں صنفاں اِچ طبع آزمائی کیتونے۔

انہاں مذہبی رنگ اِچ گھڑولی لکھ تے آپݨی عقیدت دا اظہار سوہݨے انداز وچ کیتے۔ ہمت علی شاہ دی گھڑولی سی حرفی دی شکل اِچ ہے۔

ث ثابت میݙا ہے مدامی شاہ حسین حمایت حامی

رکھے شہادت طلب تمامی چاش چُکھیُس تے خنجر دی

وو مولیٰ گھڑولی بھریندی آہٹیاں میں تاں گھڑولی

الف اللہ ہے صاحب ستاری

صدقے نبی توں جان پیاری

علی دی تے ہے لاج ہمارے

گولی ہاں میں تنہیں دے دردی

وو مولیٰ گھڑولی بھردی آہیاں میں تاں گھڑولی

ث ثبوت میݙا ہے مدامی شاہ حسین حمایت حامی

رکھے شہادت طلب تمامی چاش چکھن تے خنجر دی

وئو مولیٰ گھڑولی بھریندی آئیاں میں تاں گھڑولی

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان