ہدایت اللہ محمود

اصل ناں       ہدایت اللہ

قلمی ناں       ہدایت اللہ محمودؔ

جٖمݨ           1980ء

تعلیم          میٹرک

پیشہ           محنت مزدوری

فون نمبر        0343 6515114

جاہ پتہ         وستی کوہر وہوا تحصیل تونسہ شریف

(1)غزل

خواہ مخواہ جھیڑا تے شر منڈھ لا کنوں

ول تیݙے نکھڑݨ دا ݙر منڈھ لاکنوں

ݙیکھ لا غرضی میݙے صیّاد دی

او ودا ہے بے خبر منڈھ لا کنوں

اکھ پُساوے جسم نت مزدور دا

ہنجھ کنوں دامن ہے تر منڈھ لا کنوں

ساہ سنیہاآدمی لو موت دا

زندگی کیتے سفر منڈھ لا کنوں

گھر دے ہوندیں شہر وچ محمود ؔکیوں

لوک رہندن در بدر منڈھ لا کنوں

؎کچّے گھر دی ہر شئے کچّی ساہ وی کچّا گھڑا

کچّی شئے تے کیوں محموداؔ ایݙا ماݨ کریندیں