ہاشم شیر خان تے علامہ اقبال

ہاشم شیر خان سرائیکی وسیب دا مہاندرا لکھاری اے ، اپݨی مٹی ، اپݨی دھرتی تے اپݨے وسیب نال بے پناہ محبت رکھدے۔ تحقیق اوندا خاص موضوع اے ،سرائیکی وسیب دی تاریخ ، ثقافت ، ادب تے وسیب دے محرومیں بارے قومی اخبارات وچ لکھدا رہ ڳے ، اوندا تعلق دیرہ غازی خان نال ہے ۔ ایں واسطے دیرہ غازی خان تے توجہ زیادہ ہے۔ اُنہاں ہک ضخیم کتاب ’’علامہ اقبال اور دیرہ غازی خان‘‘ (مکتوبات ، ملاقاتیں ، مناقشیہ نظریہ ، اوطان) دے ناں نال شائع کیتی اے۔

اُردو زبان وچ لکھی ڳئی 314صفحیاں دی ایں کتاب وچ ست ابواب وچ تقسیم کیتا ڳے اَتے آخر وچ ہک ضمیمہ وی ݙتا ڳے جیندے وچ خطوط شامل ہن ۔ کتاب دے آغاز وچ ڈاکٹر رفیع الدین ہاشمی ، جاوید احسن ، ملک خدا بخش باپا،ڈاکٹر امتیاز احمد مصنف موصوف ہاشم شیر خان دی ڳالھ مہاڑ شامل اے ، انہاں ابواب وچ علامہ اقبال ؒ دے دیرہ غازی خان نال رابطے تے ڳانڈھے دی تفصیل ݙاڈھے سوہݨے طریقے نال ݙسی ڳئی اے۔ کتاب وچ نادر تے نایاب خطوط دے عکس ہک قومی ورثے دی حیثیت رکھدن ، کتاب ہر لحاظ نال مکمل تے خوبصورت اے اَتے حوالے دا کم ݙے سڳدی اے، کتاب بارے انگریزی وچ ہک دانشور لکھاری دا تبصرہ ملاحظہ فرمائو۔

٭٭٭

حوالہ

کتاب: علامہ اقبال تے سرائیکی وسیب ،مصنف : ظہور دھریجہ، ناشر: جھوک پبلشرز ملتان