ہارون رند

پہلے سندھی ڈرامے پروڈیوس کیتے۔ اوہ سندھی زبان تے ادب دے نال نال سندھی لوک سنگیت دی روایت نال وی آگاہ ہن تے اردو ڈرامے شروع کرݨ توں پہلے سندھی ڈرامے وچ ناں پیدا کیتا۔ بلکہ انہاں دے ہک سندھی ڈرامے کوں جرمنی دے بین الاقوامی مقابلے وچ ایوارڈ وی ملا۔ڈرامے وچ انہاں دی تربیت عبدالکریم بلوچ جیہے کہنہ مشق پروڈیوسر تے ساقی جیہے منجھے ہوئے اداکار نے کیتی جیہڑے رشتے وچ ہارون دے چاچا وی ہن۔

پنڄویں تے پنڄاہ منٹ دورانیے دے کئی کھیݙ پروڈیوس کرݨ دے بعد ہارون نے سلسلے وار کھیݙ "دیواریں" پروڈیوس کیتا جیہڑا ایں توں پہلے اوہ سندھی وچ وی کر چکیے ہن۔پر ایں وار ایہ پنڄاہ منٹ دے رنگین اردو سیریل دا ہک وݙا منصوبہ ہئی جیندے وچ سندھ دے جاگیردارانہ نظام وچ قائم انہاں دیواریں دا ذکر ہئی جیہڑیاں انسان کوں انسان توں جدا کر ݙیندیاں ہن۔ایں سیریل دی شاندار کامیابی دے بعد ہارون نے پچھوں مڑ کے نہ ݙٹھا تے اڳاں ہی اڳاں ٹردے ڳئے۔ سندھی دیہات دے کھیت کھلیان توں ہوندے ہوئے انہاں دا ڈراما کراچی دے پرشور بازاریں تک وی آ پہنچا تے دیہی معیشت دے سادہ رشتے دی جاہ شہری معاشرے دے گنجلک مسائل نے ڳھن ڳھدی۔

وفات

ذیابیطس دی وجہ نال انہاں دا انتقال تھیا۔