ہارون بن عبد اللہ ملتانی
ہارون بن عبد اللہ ملتانی بنی آزد دا غلام ہَئی، جہڑا ٻہوں شِین٘ہ اَتے شاعر ہَئی۔
جنگ دے پِڑ دا واقعہ
[لکھو | ماخذ وچ تبدیلی کرو]جہڑیلے ہِک راجہ ملتان اُتے حملہ آور تِھیا تاں اُون٘دے نال جنگی ہاتھی وی ہَن۔ لڑائی شروع تھئی تاں کئیں دی ہِمّت نہ پون٘دی ہَئی جو ہاتھی دے سامھݨے ونڄے کیوں جو اُون٘دی سونڈ وِچ تلوار ٻدّھی ہوئی ہَئی اَتے اُوہ ہَر پاسے گُھما تے لوکاں اُتّے وار کرین٘دا پِیا ہَئی۔ اِیہ ݙیکھ تے ہارون نے جلتی نال ہِک ٻِلانڳ لئی، اَتے اِین٘دے کنوں پہلے جو ہاتھی اُون٘دے اُتّے وار کرین٘دا۔ اُوہ اُون٘دی دَرَسنی نال چِمٻڑ ڳِیا۔ وَل آپݨے ݙُون٘ہیں پیر تَلّے لَمکا ݙِتُّس۔ فیلبان نے ہاتھی کوں اِیں طرح نال پھیریا جو نیڑے ہَئی جو سونڈ نال ہارون کوں نقصان پُڄّے۔ پَر ہارون وݙّے دِل گُردے آلا بندہ ہَئی موقع مِلدے اِیں اُوں نے ہاتھی دا ݙند پکڑ گِھدّس اَتے زور نال چِھکیُس، جین٘دے نال ہاتھی دا ہِک ݙن٘د اُکّھڑ آیا۔ ݙن٘د تاں ہارون دے ہَتھ وِچ رہ ڳِیا اَتے ہاتھی بَھڄ ڳِیا۔ اُون٘دے بھڄدے ای لشکر وِچ بھگدڑ مَچ ڳئی، اَتے مسلماناں کوں فتح مبین مِلّی۔ ہارون نے اِیں موقع اُتّے فخریہ انداز وِچ کُجھ شعر وی آکھے ہَن۔ جِنّھاں دا مطلع اِیہ ہِے:
مشیت الیہ رادعاً مستھملا
وقد وصلوا خرطومہ بحسام [١]۔ [٢]
ٻِیا ݙیکھو
[لکھو | ماخذ وچ تبدیلی کرو]حوالے
[لکھو | ماخذ وچ تبدیلی کرو]- ↑ میں سکون نال ہَولے ہَولے ہاتھی کَن ڳِیا، بھان٘ویں جو اُنّھاں نے اُون٘دی سونڈ وِچ تلوار وی ٻدّھی ہوئی ہَئی۔
- ↑ مولانا نور احمد خان فریدی، تاریخ ملتان (جلد اوّل)، قصر الادب رائٹرز کالونی، ملتان۔صفحہ نمبر 95 تا 96۔