ہاتون قاضی

ہاتون قاضی
(عربی وِچ: هتون قاضي)
معلومات شخصیت
شہریت	سعودی عرب
عملی حیاتی
مادر علمی	یونیورسٹی آف شیفیلڈ لنکاسٹر یونیورسٹی
پیشہ	مزاحیہ اداکار ،  یوٹیوبر ،  صحافی ،  ٹی وی پروڈیوسر
مادری زبان	عربی
پیشہ ورانہ زبان	عربی
نوکریاں	جامعہ دار الحکمہ
اعزازات
100 خواتین (بی بی سی) (2014)

ہاتون قاضی (عربی: هتون قاضي) سعودی عرب دی مزاحیہ اداکارہ تے سماجی کارکن ہن۔ اوہ مشہور یوٹیوبر ہن۔ یوٹیوب تے اوہ "نون النسواں" کامیڈی شو دی میزبانی کریندی ہن۔ اوہ عورت دے نقطہ نظر توں سماجی تصورات پیش کریندی ہن۔ انّھاں دے پروگرام ٻہوں زیادہ طنزیہ ہوندن۔ اوہ اپݨے پروگرام وچ مسائل دا حل ڳولݨ دی کوشش کیتے بغیر صرف اپݨی رائے پیش کریندی ہن۔ اوہ زنانیاں تے خاندانی معاملات بارے طنزیہ ویڈیوز کیتے مشہور ہن جیڑھیاں اکثر سعودی عرب وچ روزمرہ حیاتی دے مسائل کوں اجاگر کریندی ہن۔ یوٹیوب تے ڈاکٹر ہاتون قاضی نے مزاحیہ پروگرام اے شروع کیتا جݙݨ انّھاں کوں پتہ لڳا جو سعودی عرب وچ انٹرنیٹ تے ٻہوں سارے مزاح نگار ہن، پر ایں میدان وچ زنانیاں دی کمی ہئی۔ 2014ء وچ، انّھاں کوں بی بی سی دی 100 بااثر زنانیاں وچ شامل کیتا ڳیا۔

تعلیم تے تدریس

اوہ جدہ وچ واقع دار الحکما یونیورسٹی دے اسکول آف بزنس اینڈ لا وچ جز وقتی لیکچر ݙیندی ہن۔ 2009ء وچ، انّھاں نے لنکاسٹر یونیورسٹی توں انفارمیشن ٹیکنالوجی، تنظیم تے انتظام وچ گریجویشن دی ڈگری حاصل کیتی۔ 2016ء وچ انّھاں نے شیفیلڈ یونیورسٹی توں پی ایچ ڈی دی ڈگری حاصل کیتی۔

ہاتون قاضی ݙو ٻچیاں دی ماں ہن، تے عرب نیوز کیتے ہفتہ وار کالم لکھیندی ہن۔

سماجی خدمات

دسمبر 2016ء وچ، انّھاں دا تعلق خلیج فارس دے خطے دے سوشل میڈیا تے اثر انداز تھیوݨ والے گروپ نال ہئی جیڑھا اردن وچ شامی مہاجرین دی حمایت کیتے مہم چلائیندا ہئی۔ انّھاں دا مقصد اردن وچ شامی مہاجرین دے سامھݨے آوݨ والے مسائل بارے شعور بیدار کرݨا تے انّھاں دی مالی مدد کوں یقینی بݨاوݨا ہئی۔ انّھاں دے گروپ نے شامی پناہ گزین کیمپاں دے دوریاں بارے تحریری تے فلمی کہانیاں شائع کیتیاں، جیڑھیاں پناہ گزیناں دی تکلیفاں تے مصیبتاں دی طرف دنیا دی توجہ کھچݨ دا سبب بݨیاں۔