ہائیڈیکی شیراکاوا

ہائیڈیکی شیراکاوا

ہائیڈیکی شیراکاوا (ڄم 20 اگست 1936) ہک جاپانی کیمیاء دان ، انجینئر ، تے یونیورسٹی آف تسوکوبا تے جیانگ یونیورسٹی اچ پروفیسر ایمریٹس ہے ۔ او کنڈکٹیو پولیمرز دی دریافت کیتے سب توں زیادہ ڄاتا ویندا ہے ۔ او ایلن میک ڈائر میڈ تے ایلن ہیگر دے نال مشترکہ طور تے 2000 دے کیمسٹری دے نوبل انعام دا شریک وصول کنندہ ہا ۔

ابتدائی زندگی تے تعلیم

ہائیڈیکی شیراکاوا ٹوکیو ، جاپان اچ ہک فوجی ڈاکٹر دا ݙوجھا پتر ہا ۔ ایندے ہک وݙا تے ہک چھوٹا بھرا تے بھیݨ ہائی ۔ اولمپک میراتھن چیمپئن ناوکو تاکاہاشی ایندی ݙوجھی کزن-نیئس ہے ۔ او ٻلپݨ اچ منچوکواؤ تے تائیوان اچ ریہا ہا ۔ تریجی جماعت دے اوں پاس ، او تاکایاما ، گیفو منتقل تھی ڳیا ، جیڑھا ایندی ماء دا آبائی شہر ہے ۔

شیراکاوا 1961 اچ ٹوکیو انسٹی ٹیوٹ آف ٹیکنالوجی (ٹوکیو ٹیک) توں کیمیکل انجینئرنگ اچ بیچلر دی ڈگری تے 1966 اچ ڈاکٹریٹ دی ڈگری حاصل کیتی ۔ ایندے بعد ، انہاں ٹوکیو ٹیک اچ کیمیکل ریسورسز لیبارٹری اچ اسسٹنٹ دی پوسٹ حاصل کیتی ۔

کیریئر

جاپان اچ ٹوکیو انسٹی ٹیوٹ آف ٹیکنالوجی (ٹوکیو ٹیک) اچ بطور اسسٹنٹ ملازم ہووݨ دے دوران ، شیراکاوا پولی ایسیٹیلین تیار کیتا ، جیڑھا دھاتی شکل دا ہے ۔ ایں نتیجے ایلن میک ڈائر میڈ کوں دلچسپی ݙتی جݙاں میک ڈائر میڈ 1975 اچ ٹوکیو ٹیک دا دورہ کیتا ۔

1976 اچ ، انہاں کوں ایلن میک ڈائر میڈ دی لیبارٹری اچ یونیورسٹی آف پنسلوانیا اچ پوسٹ ڈاکٹریٹ فیلو دے طور تے کم کرݨ دی دعوت ݙتی ڳئی ۔ انہاں ݙوہاں امریکی ماہر طبیعیات ایلن ہیگر دے نال مل تے پولی ایسیٹیلین دی برقی چالکتا تیار کیتی ۔

1977 اچ انہاں دریافت کیتا کہ آئوڈین بخارات نال ڈوپنگ پولی ایسیٹیلین دی چالکتا کوں ودھا سڳدی ہے ۔ ترائے سائنسداناں کوں ایں دریافت کوں تسلیم کرݨ کیتے 2000 اچ کیمسٹری دا نوبل انعام ݙتا ڳیا ۔ برقی ترسیل دے میکانزم دے حوالے نال ، ایہ پختہ یقین کیتا ویندا اے کہ سولٹونز دی شکل اچ غیر خطی جوش کردار ادا کریندن ۔

1979 اچ ، شیراکاوا یونیورسٹی آف تسوکوبا اچ اسسٹنٹ پروفیسر بݨ ڳیا  ترائے سال بعد ، او مکمل پروفیسر بݨ ڳیا ۔ 1991 اچ انہاں کوں تسوکوبا دا چیف آف سائنس اینڈ انجینئرنگ ڈیپارٹمنٹ آف گریجویٹ سکول (مارچ 1993 تک) ، تے تسوکوبا دا چیف آف کیٹیگری #3 گروپ (مارچ 1997 تک) مقرر کیتا ڳیا ۔

سائنسی پرکھ پرچول

کنڈکٹیو پولیمرز تے شیراکاوا دی تحقیق کوں چار اہم زمریاں اچ ونڈیا ونڄ سڳدا اے پولی ایسیٹیلین پتلی فلم دی سرت سلھاڑ ، کیمیائی ڈوپنگ دی وجہ نال دھاتی چالکتا دا کارݨ ، کنجگیٹڈ (مالیکیول اچ ڈبل یا ٹرپل بانڈ جیڑھے ہک سنگل بانڈ نال انج تھیندن) مائع کرسٹلائن پولیمرز دی تخلیق ، تے ایسیٹیلین پولیمرائزیشن دی ترقی جئیں مائع کرسٹلز کوں سالوینٹس دے طور تے استعمال کیتا ۔

پولی ایسیٹیلین سرت سلھاڑ پولی ایسیٹیلین توں کجھ خصوصیات دی توقع کیتی ویندی ہائی ، جیندے نال حل نہ ہووݨ دی وجہ توں مادہ نال کم کرݨ مشکل تھیا ویندا ہا ۔ ڈاکٹر شیراکاوا پاتا کہ پولی ایسیٹیلین پتلی فلماں کوں سرت سلھاڑ کیتا ونڄ سڳدا ہے ، تے پتلی فلماں دے نال ، ڈاکٹر پولی ایسیٹیلین دی سالماتی تے ٹھوس بݨتر کوں واضح کیتا ۔

دھاتی چالکتا دی تخلیق ڈاکٹر شیراکاوا پاتا کہ ، جݙاں برومین یا آئوڈین جئیں ہالوجن دا ہک نشان پتلی فلم پولی ایسیٹیلین اچ شامل کیتا ویندا ہے ، تاں ایندی برقی چالکتا ودھ ویندی ہے ، تے ایہ دھاتی چالکتا ݙیکھیندا ہے ۔ شیراکاوا پاتا کہ ڈوپینٹس تے پولی ایسیٹیلین دے پی-الیکٹرانز دے درمیان جزوی الیکٹران دی منتقلی دھاتی چالکتا پیدا کر سڳدی ہے ۔

ایسیٹیلین پولیمرائزیشن کوں تیار کرݨ کیتے مائع کرسٹلز دا استعمال ڈاکٹر شیراکاوا اعلیٰ موصل پولی ایسیٹیلین پتلی فلماں دی تیاری کیتے ہک طریقہ تیار کیتا جیڑھا ایسیٹیلین دے پولیمرائزیشن دے متوازی ہا ۔ مزید برآں ، انہاں ہیلیکل پولی ایسیٹیلین دی پتلی فلماں دی سرت سلھاڑ اچ سوبھ حاصل کیتی جئیں دی کائرلٹی قابل کنٹرول ہے ۔ کائرلٹی عدم توازن دی ہک خاصیت ، یعنی ہک مالیکیول ایندی آئینے دی تصویر توں ممتاز اے  یعنی ، اینکوں ایندے اتے سپرپوز نی کیتا ونڄ سڳدا ۔

کنجگیٹڈ مائع کرسٹلائن پولیمرز دی تخلیق ڈاکٹر شیراکاوا خود مبنی ، کنجگیٹڈ مائع کرسٹلائن پولیمرز تیار کیتے جیندے اچ پولی ایسیٹیلین جئیں پی-کنجگیٹڈ پولیمرز دی سائیڈ چینز اچ مائع کرسٹلائن گروپس شامل کیتے ڳئے ۔ انہاں برقی یا مقناطیسی شعبیاں نال پولیمرز کوں میکرو سکوپک طور تے وی مبنی کیتا تے مالیکیولز کوں برقی عدم توازن حاصل کرݨ اچ سوبھ حاصل کیتی ۔

-برقی عدم توازن دی عمومی تعریف ہک برقی خاصیت دی تبدیلی کوں بیان کریندی اے جیڑھا بعد وچ یا عمودی سمت (x, y, z) تے منحصر ہوندا اے جئیں اچ کرنٹ وہندا ہے ۔

سنڄاݨ

1983 – جاپان دی پولیمر سائنس سوسائٹی دا ایوارڈ

2000 – پولیمر سائنس اینڈ ٹیکنالوجی اچ شاندار سوبھ کیتے ایس پی ایس جے ایوارڈ

2000 – کیمسٹری دا نوبل انعام

2000 – آرڈر آف کلچر تے ثقافتی خوبی دے حامل شخص دے طور تے منتخب تھیا

2000 – یونیورسٹی آف تسوکوبا دا پروفیسر ایمریٹس

2001 – کیمیکل سوسائٹی آف جاپان دا خصوصی ایوارڈ

2001 – جاپان اکیڈمی دا ممبر

2006 – جیانگ یونیورسٹی دا پروفیسر ایمریٹس

نوبل انعام

شیراکاوا کوں 2000 دا کیمسٹری دا نوبل انعام یو پی این این دے فزکس پروفیسر ایلن ہیگر تے کیمسٹری پروفیسر ایلن جی میک ڈائر میڈ دے نال "کنڈکٹیو پولیمرز دی دریافت تے ترقی کیتے" ݙتا ڳیا ۔ او پہلا جاپانی نوبل انعام یافتہ وی بݨ ڳیا جیڑھا نیشنل سیون یونیورسٹیز اچوں ہک توں گریجویٹ نی تھیا ہا تے ݙوجھا جاپانی کیمسٹری نوبل انعام یافتہ ہا ۔

کئی سالاں توں ، شیراکاوا اظہار کیتا اے کہ او نی چاہندا کہ نوبل انعام ماس میڈیا (خاص طور تے جاپانی میڈیا) دی طرفوں ٻہوں زیادہ خصوصی سلوک حاصل کرے ۔ اینکوں امید اے کہ نوبل انعام دے زمرے توں ٻاہر دے شعبیاں اچ ٻہوں سارے اہم شعبے وی زیادہ وسیع پیمانے تے ڄاتے ویسن ۔

رشتے دار

ایندا ہک رشتے دار ، ہتومی یوشی زاوا ، گروپ مارننگ موسومی مارننگ گرلز دا ممبر ہے ۔ ایندا تعلق ناوکو تاکاہاشی نال وی ہے ، جیڑھا 2000 دے سمر اولمپکس دا خواتین میراتھن گولڈ میڈلسٹ ہے ۔

عوامی مسائل

6 دسمبر 2013 کوں ، ہاؤس آف کونسلرز (جاپان) سٹیٹ سیکریسی لا دا بل منظور کیتا ۔ شیراکاوا تے فزکس نوبل انعام یافتہ توشی ہائیڈ ماسکاوا ہک بیان جاری کیتا جیندے اچ آکھیا ڳیا کہ ایہ قانون

"آئین ولوں قائم کردہ امن پسند اصولاں تے بنیادی انسانی حقوق کوں خطرہ اے تے اینکوں ستت مسترد کر ݙتا ونڄݨا چاہیدا اے...(حذف شدہ)...مشکل ویلھے اچ وی ، پریس ، سوچ تے اظہار دی آزادی تے علمی تحقیق دی حفاظت لازمی ہے ۔ "