ڳنترا

اڄ کل دی دنیا سائنس تے ٹیکنالوجی دی دنیا ہے۔ ہر پاسے مشیناں تے کمپیوٹر نظر آندے پین۔ انہاں وچوں ہک اہم شئے ڳنترا (کیلکولیٹر) وی ہے۔ ڳنترا ہک نکی جہیں مشین ہے جیہڑی حساب کتاب کرݨ کیتے استعمال تھیندے۔ پہلے زمانے وچ لوگ حساب کرݨ کیتے پتھراں، لکڑیاں یا اُنگلیاں دا استعمال کریندے ہن۔ پر وݙے وݙے حساب کرݨ وچ وݙی مشکل تھیندی ہئی۔ ول ہولے ہولے حساب کرݨ دے طریقے بدل گئے۔ ڳنترا ایجاد تھی ڳیا اَتے حساب کرݨ دا کم آسان تھی ڳیا۔ ڳنترے مختلف قسماں دے ہوندن۔ کجھ ڳنترے صرف جمع، تفریق، ضرب تے تقسیم کر سڳدن۔ کجھ ڳنترے سائنسی حساب وی کر سڳدن۔ اڄ کل موبائل فون وچ وی ڳنترا موجود ہوندے۔ ڳنترا ساݙے روزمرہ زندگی وچ بہت کم امدے۔ ہٹیاں تے حساب کتاب کرݨ کیتے ڳنترا استعمال تھیندے۔ سکولاں وچ ٻال ڳنترے نال حساب سِکھدن۔ سائنسدان تے انجینئر وی ڳنترے نال وݙے وݙے حساب کریندن۔ ڳنترے نال وقت دی وی بچت تھیندی ہے۔ پہلے جیہڑا حساب کرݨ وچ گھنٹے لگدے ہن، اوہ ہݨ منٹاں وچ تھی ویندے۔ ڳنترا غلطی دے امکانات وی گھٹ کریندے۔ ڳنترا ہک ٻہوں مفید ایجاد ہے۔ ایندے نال اَساݙی حیاتی سوکھی تھی ڳئی ہے۔ اساں کوں ڳنترے دی قدر کرݨی چاہیدی ہے اَتے ایندا صحیح استعمال کرنا چاہیدے۔