ڳنا

ڳنے دا کیمیائی فارمولا C¹²H²²O¹¹ ہے.

ڳنے اچ سکروز تے گلوکوز وافر پاتا ویندے.  

ڳنے دا اخیر ٹھڈا اے.

ڳنے دیاں پیداوراں/سامان/پراڈکٹس، رَؤ، کَـکو، شِیرا، ڳُڑ، شَکر، کَھنڈ، چینی، کَرکِݨ، پھوڳ،  بَکاس تے بَکاس نال ولا ڳَتا بنڑدے.

ڳنا کھاوݨ نال ݙَند/دانت پوختے/مضبوط تھیندن.

رَؤ ساݙا قومی شربت اے، نِرنہاں/نہار منہ/خالی پیٹ رَؤ پیوݨ نال میدے جگر مثانے دی گرمی مُک ویندی اے. رَؤ پیوݨ نال چہرے/منہ/بُتھاڑ شریف تے رونڑق ولدی اے، چھائیاں تے دانگ دَھٻے پریں تھی ویندن.

رِؤ پیوݨ نال موٹاپا مُک ویندے، ہاضمہ چنگا تھیندے.  

خون دی روانی چنگی ہوندی اے. پاݨی دی کمی مُک ویندی اے.

ڳُڑ دے اݨ ڳیݨویں فئیدے ہن. سیالے ڳُڑ آلا بَھت اساں سرائیکی شونق نال کھاندے ہسے. ڳُڑ ہاضمہ چنگا کریندے، کہیں کوں پالا/سی ڈھیر لگا بیٹھے ہووے تاں ڳُڑ دی بھوری چکھی کرو. پالا/سی لہہ ویسی. اگر تہاڈاے کئی ݙَنگر ڈھور کوں پالے کنیں کمبڑیں لگی کھڑی اے ڳُڑ دی بھوری کھواؤ پالا لہہ ویسی. گرمیں اچ ڳُڑ آلا شربت ہاں ٹھار ݙیندے.

شکر آلا بَھت وی وݙا چس آلا ہوندے. مکھݨ اچ شکر رَلا تے مِسی روٹی/ چاولیں آلی روٹی وݙی چس ݙیندی اے.

نِکے لا ویلݨے تے ونج کے کَرکِݨ کوں ڳنے تے ولھیٹ کے کھاندے ہاسے.

ککو نال ٹُکر کھاوَݨ وی ساݙی ثقافت دا حصہ اے.

شِیرے نال ٹِکی/ٹافی تے شئے شِنگر بݨدی اے.

اَڳلے زمانے دیسی کَھنڈ بݨدی ہئی ہُݨ تاں ݙِسڑوں رہ ڳئی اے. ولئیتی چینی تاں ہر گھر اچ ݙینہہ رات ورتیندی پئی اے.

باقی رہ ڳئی بکاس.. شوگر مل اچ چینی بنڑنڑ دے باد آخر تے پھوڳ/بکاس آ بچدے. سِلھیں آلیں بَٹھے تے بکاس ٻالی ویندی اے تے ایندے نال بنڑابتو/مصنوعی لکڑ/کاٹھی اتے ڳتا بݨایا ویندے.

اتے اے ساریاں چیزاں ساݙے سنگتی اعجاز ڈیال کنوں عام مل ویندن جے ایمان دی قطری ہس تاں ایں سیالے ساکوں دعوت ڈیسی۔ اساں وی ساخ ماݨ گھنسوں۔ باقی خیر 🥰

لکھت: یوسف بھٹہ