ڳاوݨ

موسیقی وچ ڳاوݨ سُراں دی ہک لہر ہوندی ہے، جیندے وچ انسان دی آواز وی شامل ہوندی ہے تے اوں ڳاݨے کوں ڳیا ویندا ہے، ایندے نال آلات موسیقی دا استعمال وی کیتا ویندا ہے۔ کجھ ڳاوݨ ایہو جیہے وی ہن جنھاں وچ آلات موسیقی دا استعمال منع ہے تے ڳاوݨ دے سارے کم انسانی آواز تے مشتمل ہوندی ہے۔ ڳاوݨ دے ٻول عام طور تے شاعری تے مشتمل ہوندے ہن۔ انہاں کوں ادا کریندے ویلے سُراں دا خاص خیال رکھا ویندا ہے۔ ڳاوݨ کوں یا تاں ہک ہی ڳاوݨ آلا ڳان٘دا ہے یا ول مرکزی ڳاوݨ آلے دے نال ٻیاں ݙوجھیاں آوازاں وی شامل ہون٘دیاں ہن، جہڑیاں سُراں کوں چاوݨ تے اُوندی ضرورت پوری کرݨ واسطے شامل کیتا وین٘دا ہے۔ ݙوجھے ڳاوݨ آلے عام طور تے ولدا دہرائے ون٘ڄݨ آلے ڳاوݨ دے ٻول ادا کرین٘دے ہن۔ یا ول مرکزی ڳاوݨ آلے دے سُراں کوں سوہݨاں بݨیندے ہن۔

قسماں

ڳاوݨ دیاں کئی قسماں ہون٘دیاں ہن۔ جہڑیاں شاعری، آواز تے خطاں دی بنیاد تے درجہ بندی کیتی وین٘دی ہے۔ لطیف ڳاوݨ، کلاسیکی ڳاوݨ، پاپ ڳاوݨ، یا ول لوک ڳاوݨ ایں دیاں چند مثالاں ہن۔

ڳاوݨ وجاوݨ دا اہتمام محفل یا مجلس دی صورت وچ وی کیتا ویندا ہے۔ ڳاوݨ وڄاوݨ دی خاص مجلس کوں سماع دی مجلس آکھیا وین٘دا ہے۔ جیندے وچ صوفیانہ شعر یا کافیاں ڳائیاں ویندن۔