گݙی گݙے دی شادی

اے چھوہریں  دا کھیݙ اے تے کھیݙ چھوہریں  وچ ٻہوں  پسندکیتا ویندے ۔ ایندے وچ چھوہریں  کیتے شادی دیاں  رسماں ریتاں  کنوں  واقفیت حاصل تھیندی اے ۔ در اصل اے وݙے لاء دی اصل شادی دی ہک قسم دی مشق تے ریہرسل ہے ۔ عملی تربیت وی اینکوں  آکھیا ونڄ سڳدے ۔ ایندے وچ شادی شادہ زندگی کوں خوشگوار طور تے گزارݨ داسبق ملدے تے اپݨیاں جذبیاں  تے احساس دا اظہار کرݨ دا موقع وی ملدے ۔ اے جذبے تے احساس وی سرائیکی گیتاں  دی شکل اچ پیش کیتے ویندن ۔ اے ٻہوں  مزیدار کھیݙ اے تے ہشراں  تے وستیاں  اچ ہک جیہا پسند کیتا ویندے تے خوب کھیݙیا ویندے ۔ ایندے وچ چھوکڑیاں  تھڳڑیں  نال گݙی گݙے بݨا تے انہاندی شادی کریندن ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان