گگو گھوڑے

نِکے لا گگو گھوڑے گھندے ہاسے ، پھیر آلے ویچݨ اَمدے ہن، کاغذ دے نال ککھ کانیں  دیاں  شئیں  وی بݨائی ودے ہوندے ہن، لچھے وی نال چئی ودے ہوندے ہن۔ پھوکڑیاں  ہر ہٹی تے ہوندیاں  ہن تے پھیری آلے وی چا اَمدے ہن ۔ کاغذی گھوڑے تے ٻیا ں  شئیں  بݨاوݨ آلے کوٹاݨے ہوندے ہن او چھڑا کھݙاوݨے نہ بݨیند ے ہن کوٹھے دے تپل، سالیں  دے چھپر، کھارے ، چھج ،کنڈھے تے ٻیاں  شئیں  وی بݨیندے ہن، شادی تے پاݨی بھریندے ہن تے چڑھوئے نال دیگاں  پکویندے ہن۔ ثقافتی لوک ہن جھمر ݙاڈھی سوہݨی کھیݙدن، ڳاوݨ، اکھیندن انہاں  دیاں  عورتاں  سہرے اکھیندن، او لوک بے مہتے ہوسن جو انہاندا مہت نی کریندے۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان