گڈفری ہونس فیلڈ
گڈفری ہونس فیلڈ
[لکھو | ماخذ وچ تبدیلی کرو](Sir Godfrey Newbold Hounsfield The Inventor of CT Scan)
سر گڈفری نیوبولڈ ہونس فیلڈ ہک برطانوی الیکٹریکل انجینئر ہن جنہاں ایکس رے کمپیوٹڈ ٹوموگرافی (سی ٹی) دی تشخیصی تکنیک تیار کرݨ وچ اپݨا حصہ ادا کرݨ تے ایلن کورماک دے نال 1979 وچ فزیالوجی یا میڈیسن دا نوبل انعام حاصل کیتا ۔
ابتدائی زندگی تے تعلیم
[لکھو | ماخذ وچ تبدیلی کرو]گڈفری ہونس فیلڈ 28 اگست 1919 کوں ناٹنگھم شائر ، برطانیہ وچ پیدا تھئے ۔ انہاں دے والد ہک کسان ہن ۔ ہونس فیلڈ ابتدائی تعلیم ناٹنگھم شائر وچ حاصل کیتی تے بعد وچ لندن دے سٹی اینڈ گلڈز کالج توں الیکٹریکل انجینئرنگ دی تعلیم حاصل کیتی ۔ سائنس نال انہاں دی دلچسپی اینہی دور وچ ودھݨ لڳی۔
سائنسی سفر دا آغاز
[لکھو | ماخذ وچ تبدیلی کرو]تعلیم مکمل کرݨ توں بعد ، ہونس فیلڈ کجھ عرصہ برطانوی ریڈار ریسرچ اینڈ ڈیولپمنٹ اسٹیبلشمنٹ وچ کم کریندے ریہے ۔ ول او EMI کمپنی وچ شامل تھی ڳئے جتھاں انہاں سی ٹی سکین دی تیاری تے کم شروع کیتا ۔
سی ٹی سکین دی ایجاد
[لکھو | ماخذ وچ تبدیلی کرو]ہونس فیلڈ دی سب توں اہم ایجاد سی ٹی سکین (CT scan) ہئی ۔ انہاں ایکس رے ٹیکنالوجی کوں استعمال کر تے جسم دے اندرونی اعضا دیاں تصویراں بݨاوݨ دا طریقہ تیار کیتا ۔ سی ٹی سکین دی مدد نال ڈاکٹر جسم دے اندرونی اعضا کوں تفصیل نال ݙیکھ سڳدے ہن تے بیماریاں دی تشخیص کر سڳدے ہن ۔
نوبل انعام
[لکھو | ماخذ وچ تبدیلی کرو]1979 وچ گڈفری ہونس فیلڈ تے ایلن میکلوڈ کورماک کوں "کمپیوٹڈ ٹوموگرافی دی ترقی کیتے فزیالوجی یا میڈیسن دا نوبل انعام ݙتا ڳیا ۔
مہاندرے سائنسدان دی حیثیت نال سنڄاݨ
[لکھو | ماخذ وچ تبدیلی کرو]گڈفری ہونس فیلڈ ہک عظیم سائنسدان ہن جنہاں طب تے سائنس دے شعبے وچ اہم کردار ادا کیتا ۔ انہاں دی ایجاد سی ٹی سکین طب وچ انقلاب برپا کر ݙتا ہے ۔
وفات
[لکھو | ماخذ وچ تبدیلی کرو]گڈفری ہونس فیلڈ 12 اگست 2004 کوں برطانیہ وچ فوت تھئے ۔ او ایں جہان توں جھوک لݙا ڳئے ، پر انھاں دی ایجاد ہمیشاں سائنسداناں کوں روشنی ݙیندی راہسی ۔