گوہر علی خان

گوہر علی خان
معلومات شخصیت
ڄمݨ	10 اکتوبر 1978ء (47 سال)  ضلع بونیر
شہریت	پاکستان
جماعت	پاکستان پیپلز پارٹی (2008–2022) پاکستان تحریک انصاف (2022–)
عملی زندگی
مادر علمی	یونیورسٹی آف وولورہیمپٹن
کم	وکیل ،  بیرسٹر ،  سیاست دان

انہاں دا تعلق خیبرپختونخوا دے ضلع بونیر نال ہے، بیرسٹر گوہر علی خان نے برطانیہ دی والورہیپمٹن یونیورسٹی توں ایل ایل بی اتے واشنگٹن اسکول آف لا توں ایل ایل ایم کر رکھی ہے اوہ کئی عرصے تائیں اعتزاز احسن اینڈ ایسوسی ایٹس دے نال جُڑے رہے اتے اعتزاز احسن دی براہ راست نگرانی وچ وکالت کریندے رہے۔

ایندے بعد اوہ لمبا عرصہ سیاسی میدان توں دور رہے اتے سیاسی جماعتاں دے مقدمیاں وچ وکیل دے طور تے عدالتاں وچ پیش تھیندے رہے۔

اعتزاز احسن دے نال بیرسٹر گوہر 2007ء وچ وکلا تحریک وچ وی پیش پیش ہن، افتخار محمد چودھری دی بحالی دے سلسلے وچ وی مقدمہ لڑݨ وچ اوہ اعتزاز احسن دے معاون رہے، تاہم اوہ سیاست وچ زیادہ فعال نہ رہے۔

اوہ پاکستان تحریک انصاف توں پہلے پاکستان پیپلز پارٹی دا حصہ رہے ہن اتے 2008ء دے عام انتخابات وچ تیر دے نشان تے انتخابات وچ وی حصہ ڳھن چکے ہن۔

انہاں اپݨے آبائی ضلع بونیر NA-28 (موجودہ NA-10) توں الیکشن لڑیا ہئی۔ تاہم، اوہ اے الیکشن تقریباً ݙو ہزار ووٹاں توں ہار ڳئے۔

بیرسٹر گوہر دے مطابق 2008ء وچ شکست دے بعد ول انہاں خاموشی نال ہی ایں جماعت توں دوری اختیار کر ڳھدی اتے 2008ء وچ معمولی مارجن نال شکست دے بعد انہاں دے کول ݙو آپشن ہن یا سیاسی طور تے جدوجہد جاری رکھن اتے انتخابات وچ کامیابی حاصل کرن یا ول کارپوریٹ اتے آئینی امور تے وکالت کر تے لوکاں دی خدمت کرن،

بیرسٹر گوہر خان پچھلے ہک سال توں سابق وزیر اعظم عمران خان دی قانونی ٹیم دے اہم رکن ہن جنہاں دے ذمے سارے قانونی امور کوں سنبھالݨا ہے اتے اوہ پارٹی دے قانونی امور تے فوکل پرسن وی ہن۔

شروع وچ بیرسٹر گوہر تحریک انصاف دے خلاف فارن فنڈنگ کیس اتے سابق چیئرمین پی ٹی آئی دے خلاف توہین الیکشن کمیشن دے مقدمیاں دی پیروی کریندے ہن پر ول جݙاں تحریک انصاف اتے سابق وزیر اعظم دے خلاف مقدمیاں دی بھرمار تھئی تاں ایجھے ویلے جتھاں انہاں دے چیلنجز وچ ودھارا تھیا اوتھائیں پارٹی وچ انہاں دی اہمیت وی کئی گنا ودھ ڳئی۔

بیرسٹر گوہر علی خان 2 دسمبر 2023ء کوں بلا مقابلہ چیئرمین پی ٹی آئی منتخب تھی ڳئے، سابق وزیر اعظم عمران خان دی طرفوں انہاں کوں چیئرمین شپ کیتے نامزد کیتا ڳیا ہئی۔