گورچانی

گورچانی ہک منظم بلوچ قبیلہ ہے جیہڑا ماری تے دراگل پہاڑیں تے قابض ہے۔ گورچانی دی حدود ساریں قبیلییں وچوں سب تو وݙے پہاڑیں وچ اڳوں تئیں ویندیاں ہن۔ انہاں دا علاقہ کوہ سلیمان دے پوادھ وچ ٻہوں اڳاں تک نئیں ویندا۔ انہاں دے یارہ قبیلیاں وچوں درکانی، شیکانی، لاشاری، پتانی، جستکانی تے سبزانی اہم ہن۔ آخری ترائے شاخاں رند ہن۔ باقی دے قبیلے کوں حیدرآباد دے راجا بھیم سین دے پوہترے گورش دی اولاد آکھیا ویندا ہے، جیہڑا ہک بلوچ نے پالیا تے اپݨے ہی قبیلے وچ شادی کروا ݙتی ہئی۔ آکھیا ویندا ہے کہ اوہ ہمایوں دے نال دہلی ڳیا ہئی تے واپسی تے بلوچیں کوں نال ملا کے پٹھاݨ قابضین کوں اپݨے علاقیاں توں بے دخل کیتا ہئی۔