گورنمنٹ ایس ای کالج بہاولپور
گورنمنٹ صادق ایجرٹن کالج (عام طور تے ایس ای کالج دے طور تے سُن٘ڄاݨیا وین٘دا ہِے) اِین٘دا ناں نواب بہاولپور صادق محمد خان عباسی چہارم اتے پنجاب دے لیفٹیننٹ گورنر سر رابرٹ آئلس ایجرٹن نے رکّھیا ہَئی۔ اِین٘دے وِچ ہِک اِیہو جیہیں تعلیم فراہم کرݨ دی روایت ہِے جہڑی تعلیمی، کھیݙاں اَتے ہم نصابی سرگرمیاں کوں کردار دے ودھارے دے اوزار دے طور تے استعمال کرین٘دی ہِے[١][٢]۔
تاریخ
[لکھو | ماخذ وچ تبدیلی کرو]گورنمنٹ ایس ای کالج بہاولپور ایہو جیہیں تعلیمی اداریاں وِچوں ہِے جِہڑا ایشیا وِچ بہوں پہلے قائم تِھیا ہا۔ اِیندی تاریخ 127 سالاں تے مشتمل اے۔ ایہ ادارہ 1886ء وِچ انٹرمیڈیٹ دی تعلیم ݙیوݨ کِیتے قائم کیتا ڳیا ہَئی۔ 1896ء وِچ ایں کالج وِچ بی۔ اے دیاں کلاساں شروع کیتیاں گئیاں پر تھولے ویلے بعد بند کر ݙتیاں ڳئیاں۔ شہریاں تے کالج انتظامیہ دیاں کوششاں نال 1926ء وِچ بی۔ اے دیاں کلاسیں ولا شروع کیتیاں ڳئیاں۔ 1927ء وِچ انٹرمیڈیٹ دی سطح تے سائنس دے مضامین دی تعلیم دا آغاز تِھیا۔ 1955ء وِچ پنجاب یونیورسٹی نے کالج وِچ بی ایس سی دیاں کلاساں شروع کرݨ دی اجازت ݙتی۔ ادارے دی عمرِ عزیز دے سو سال پورے تھیوݨ تے 1986ء وِچ صد سالہ تقریبات بھرپور طریقے نال منائیاں ڳئیاں۔ انھاں تقریباں وِچ ملک بھر دیاں ممتاز شخصیتاں نے شرکت کیتی۔ اپریل 2010ء وِچ ایںدی ہِک سوپچیس سالہ تقریبات شایانِ شان طریقے نال منعقد کیتیاں گئیاں۔ ایس ای کالج دے فارغ التحصیل طلبہ نے زندگی دے ہر شعبے وِچ نمایاں مقام پیدا کیتا ہے۔ این٘دے توں تعلیم حاصل کرݨ والے احمد ندیم قاسمی، منیر نیازی، محمد خالد اختر تے دلشاد کلانچوی نے ادب وِچ اتے سمیع اللہ خان تے ایم این جہاں نے کھیݙ دی دنیا وِچ ناں پیدا کیتا۔ ٻہوں سارے لوکاں نے ڈاکٹری، انجینئرنگ، سیاست تے دُوجے شعبیاں وِچ شہرت پائی اے۔ علاوہ ازیں بہت سارے نامور لوک بطور استاد اس ادارے نال وابستہ رہے ہَن۔ اج کل کالج وِچ ایم اے، ایم ایس سی تے بی ایس دیاں کلاساں تھین٘دیاں ہِن۔
مہان٘درے فضلا
[لکھو | ماخذ وچ تبدیلی کرو]- احمد ندیم قاسمی
- منیر نیازی
- محمد خالد اختر
- دلشاد کلانچوی
- سمیع اللہ خان
- ایم این جہاں
- ڈاکٹر اظہر حسین اسسٹنٹ پروفیسر آئی یو بی۔