گلنور نور پوری
اصل ناں حافظ محمد شہباز
قلمی ناں گلنورؔ نور پوری
جٖمنْ 1996ء
تعلیم مڈل
پیشہ ٹیلر ماسٹر
فون نمبر 0301 5823381
جاہ پتہ موضع ہزاری والا نور پور نورنگا تحصیل و ضلع بہاولپور
غزل
[لکھو | ماخذ وچ تبدیلی کرو]مونجھ تیڈٖی دا سال ول آ گٖئے
میکوں تیڈٖا خیال ول آ گٖئے
ہجر رخصت مسائیں کیتا ہم
رکھ تے مونڈھے تے شال ول آگٖئے
چھانگاں سودھے روہیلے آندے پن
لگٖدے روہی تے کال ول آگٖئے
پہلا جھیڑا اوئیں کھڑے حالی
او رقیبیں دے نال ول آگٖئے
عید ’’دلچسپ‘‘ دی سُنْائی کہیں تاں
لگیا’’ منشی کمال‘‘ ول آگٖئے
درد گلنورؔ روگٖ دے رلّے
ساڈٖی لہونْ سنبھال ول آگٖئے