گلزار احمد گلزار

اصل ناں       گلزار احمد

قلمی ناں       گلزار احمد گلزارؔ

ڄمݨ            1962ء

تعلیم            پرائمری

پیشہ            تجارت

فون نمبر         0345 7131749

          جاہ پتہ         وستی آڑہ جعفر تحصیل کوٹ چھٹہ (ڈی جی خان)

گلزار احمداݨی سچے تے کھرے جذبے دا حق گو شاعر ہے، سرائیکی شاعری دیاں تقریبََا ساریاں صنفاں لکھدے۔گلزار ہک درویش صفت انسان ہے ،اوندی شاعری وچ تصوّف دیاں جھلکیاں صاف نظر آندین۔گلزار احمد گلزار فی الحال ڈٖو شعری کتاباں ’’ڳول‘‘ تے ’’ ساقی سوائی ڈٖے‘‘ دے خالق ہن۔ آپ دے حوالے نال معروف شاعر و ادیب فرید ساجد لغاری لکھدن جو ’’گلزار سئیں دی رسمی تعلیم معمولی اَتے مطالعہ غیر معمولی ہے۔‘‘بہر حال گلزار دا غزلیہ کلام حاضرِخدمت ہے۔

غزل

پار دا یار ے پار نہ بھُلّے

پار تاں پیارے پار نہ بھُلّے

میت محبت دل دی راحت

چین قرارے پار نہ بھُلّے

نال ملاح دے سنگتاں ساڈٖیاں

بٖیڑاپارے پار نہ بھُلّے

ہُݨ تاں چرچا پیت ساڈٖی دا

پار اُروارے پار نہ بھُلّے

پار دا رانجھا ہیر دے روح دا

ہار سنگگارے پار نہ بھُلّے

دل دریا وچ پیت دا پاݨی

تار و تارے پار نہ بھُلّے

سبھ ڳالھیں گلزار منیداں

آکھ اقرارے پار نہ بھُلّے