گلزار احمد رزاقی
اصل ناں گلزار احمد
تخلص رزاقیؔ
جٖمنْ 1965ء
تعلیم میٹرک
جاہ پتہ وستی بھوگٖی والا ڈاکخانہ حسن آباد ، ڈیرہ غازی خان
گلزار احمد رزاقیؔ اعلٰی فکر تے مثبت سوچ رکھنْ آلے ذہین و فطین شاعر ہن ، تے آپ ہک پختہ کار مصور وی ہن۔ انہاں دے ہر شعر وچ شعریت نتر کے سامنْے آندی ہے۔نمونہ کلام حاضر ہے۔
(1)غزل
[لکھو | ماخذ وچ تبدیلی کرو]منافقت دے سمندریں وچ خلوص پیکر جہاز تارن
اَسان کائنی نہر دے ہوندیں ہرنْ حسیں دا شکار مارن
خزاں رسیدہ جہان دیوچ گلاب لیندیں تاں حوصلہ رکھ
توں جی وی گلشن دی خیر سانگے جے موت آوے تاں ہیں دے کارن
برہوں دے چولے دی لاجٖ پالیں تے میڈٖے گٖالھیں کوں گٖنڈھ ولا گھن
ہے زیرِ خنجر شعور سجدہ تے ظلم بھاہیں دا پیہ کے ٹھارن
چراغ حق دے ایویں نئیں بٖلدے اتھاں تاں خونِ جگر وی جلدے
سجا کے تیریں دے نال ہر انگ شکر دا سجدہ وی ول گزارن
اے مال و دولت ، جوان عمری رزاقیؔ سانول دی ویل کر چا
الف اصل ہے حسین زیبا تے میم پردہ بٖئے سب اُلارن
٭٭٭