گردیز

گردیز

گردیز افغانستان دا ہک رہائشی علاقہ ہے جیہڑا صوبہ پکتیا وچ واقع ہے۔ گردیز شہر افغانستان دا تریجھا سب توں وݙا صوبائی دارالحکومت ہے، جیہڑا تورا بورا دے علاقے توں دور کائنی۔

اے شہر پراݨے شہر دی قلعہ بندی دے عین پیریں وچ ہے "پراݨے شہر" کوں پاݨی گردیز دریا توں ملدا ہے، اے دریا اڳوں تے ونڄ تے "آبِ ایستادا" جھیل وچ شامل تھی ویندا ہے۔

پشتون اکثریتی گردیز شہر افغانستان دی ݙو اہم سڑکاں دے درمیان ہک جنکشن تے واقع ہے، جیندے وچوں ہک سڑک پاکستان دے صوبہ خیبر پختونخوا دے نال غزنی توں منسلک ہے، جݙاں کہ ݙوجھی سڑک کابل دے نال خوست کوں ملیندی ہے۔ اے سڑکاں ہندوکش دے پہاڑاں اتے صحراواں دی طرف توں ڳھمدی ہوئی شمال، مشرق اتے مغرب توں وادی دے میدان توں گزریندی ہے۔

اے شہر کابل دے جنوب وچ 100 کلومیٹر (62 میل) اتے خوست دے شمال مغرب وچ 70 کلومیٹر (43 میل) تے واقع ہے۔

مشرقی افغانستان دے ہک وݙے علاقے کیتے تجارت دا محور اتے ملک بھر وچ فوجاں کیتے ہک اسٹریٹجک مقام دا حامل اے شہر 6 اضلاع اتے 6,174 ہیکٹرز (23.84 مربع میل) دے مجموعی علاقے تے مشتمل ہے۔ سطح سمندر توں ایں شہر دی بلندی 2300 میٹر ہے۔

گردیز شہر دی آبادی دا تخمینہ 1979ء وچ 10,000 اتے 2008 وچ 70,000 افراد اتے 7849 ڳھراں دا لڳایا ڳیا ہئی۔

ٻیا ݙیکھو

• افغانستان
• فہرست افغانستان کے شہر