گجرات دا اَندھا

گجرات دا ہک اَندھا بسیں  تے ہوندا ہا ، سہجہ توں  دھریجہ توں  خان پور ایویں  سارا ݙینھ بسیں  تے چکر لیندا ہا ۔ٹِک ایجھی پک ڳی ہس گلائی ءِچ اَڄاں  بس ہوندی ہئی آواز سُݨ تے اَکھیندا ہا بس دا ناں  اے ہے ، ڈرائیور کلینڈر تے کنڈیکٹر دا ناں  اے ہے ، ہیر وارث شاہ تے دائم دی سوہݨی مہینوال پڑھدا ہا ۔ ہک واری شاہ دے کھوہ دا کم جگلانی اَندھا بس ء ِچ نپݨ ڳیا ، اسیݙی وستی آ لتھا تاں  گجرات آلا اَندھا شئیت بشیر ناں  ہا ، ݙانگ چا تے پچھوں  ودا بھڄدا ہا جو سہجہ توں  خان پور تئیں  میݙا علاقہ ہے ، اوں  آکھیا تیݙے پیو دا ہے توں  گجرات دی بلا ہیں  پرے مر ، او آکھے توں  پرے مر۔ اے کردار ہا ٻیا کردار دا ہک میری جمالی ہا ۔ گو دو دھریجہ ، بھگو گورڑا، داد کھوکھر ، وݙا کمبہار ، اے سارے اللہ لوک ہن اُنہاندیاں  یاداں  وی محفوظ تھیون تاں  چنگا ہے۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان