گانمݨ سچار
توں وݙا گامݨ سچار ایں ، ڳالھ ڳالھ تے اے لفظ سُݨݨ کوں مِلدا ہا ۔گامݨ سچار دی شخصیت بارے ڈھیر ڳالھیں تھیندیاں ہن ۔ او صاف گوانسان ہا تے ایندی صاف گوئی توں امرائے سلطنت دی بدعنوانیاں ظاہر تھی ویندیاں ہن۔ کیوں جو گانموں سچار بھرے دربار اچ صاف ڳالھیں سُݨا ݙیندا ہا۔ ایں طرح درباری ایندے دشمن تھی ڳئے۔ انہاں نے غازی خاں کوں ایندے خلاف بھڑکایا تے یقین ݙیواوݨ دی کوشش کیتی جو گانموں اکثر غلط بیانی توں کم گھندے۔ غازی خان نے انہاں دی ڳالھیں تے یقین نہ کیتا۔ البتہ انہاں دی تسلی دی خاطر گانموں دا امتحان گھنݨ دا ارادہ کیتا۔ درباریاں نے استدعا کیتی جو ایندا امتحان گھنݨ دی غرض نال درباراچ ایہو جیہاں قصہ سُݨاوݨ دا حکم ݙتا ونڄے جیڑھا سو فیصد سچا تے طویل ہووے۔ ول اساں ایندی کذب بیانی تے ایکوں ٹوکیسوں ۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان