گامݨ کروڑی
کوٹ کروڑ ملتان دے رہݨ والے ہک مزاحیہ شاعر ہن۔ انہاں اپݨے قصبے دے ہک ہندو دکاندار جِندے مل دے گھوڑے اُتے مزاحیہ نظم لکھی۔ ایں نظم وچ مزاح وی ہے تے شعریت وی ہے او گھوڑے دا سراپا ایں چھکیندن:
گھوڑا گھدا جِندے مل
کلّے توں نیں سڳدا ہل
آ گھوڑے دیاں دھماں پیاں
شہر بازاراں ٻوٹے لیاں
خان کوں تازیاں خبراں ڳیاں
اُبھے لمے پیا تھر تھل
آ ݙیکھو گھوڑے دا زور
خواہ مخواہ مچاوے شور
تروڑ نہ سڳدا کچی ݙور
غصے کولوں ویندا جل
ٹور گھوڑے دی ݙیکھو سائیں
کوہ کرے ݙینہ لتھے تائیں
جے مارن ڈھے پوے اتھائیں
ٹُرے نہ مول کھڑے پڑ
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان