گامݨ سچار
ٻارہویں صدی ہجری وچ نواب غازی خان دی شاہی عروج تے ہئی، غازی خان دیرہ غازی خان دا بادشاہ ہا تے اسماعیل خان دیرہ اسماعیل خان دی شاہی دا مالک ہا۔ ݙوہیں ملکیں دے درمیاب آپت وچ جنگاں رہ ویندیاں ہن۔ جھیڑے کوں ودھاوݨ تے دُکھدی کوں تیلی لاوݨ آلے ٻہوں سارے خوشامتی برآمدی ہر دور وچ موجود ہوندن ، پر خوشامتیں دے دربار وچ ہک شخص ایجھا وی ہئی جیڑھا ہر سچگی ڳالھ منہ تے کر ݙیند ہا، اپݨی سچائی تے سینڑھپ دی وجہ توں وزیر دے عہدے تے پُجٖ ڳیا پر بادشاہ کوں سچ آکھݨ توں باز نہ آیا۔ اوں شخص دا ناں ہا گانمن سچار۔ ذات دا کورائی بلوچ ہا ، اصل تعلق جھنگ نال ہا۔ ہک روایت دے مطابق دین پور شریف ( خانپور ) دے بانی حضرت خلیفہ غلام محمد سئیں وی جھنگ وچوں آئے ہن تے گانمݨ سچار دی سچائی دے قصے سݨویندے ہن۔ آکھیا ویندے جو حق سچ دیاں گفالھیں کرݨ تے تھُک جھپ دربارئیں گانمݨ سچار کوں دربار وچوں کڈھوا ݙتا او۔ اوچ اپݨے پیراں کول آڳیا تے اُتھاں فوت تھیا ۔ اوندی قبر دربار جلال الدین بخاری دے دربار نال اڄ وی موجود ہے ، عقیدت مند گانمݨ سچار دی قبر تے ست پھیرے مار تے عقیدت پیش کریندن ۔
حوالہ
[لکھو | ماخذ وچ تبدیلی کرو]معروف سرائیکی لکھاری سئیں ظہور احمد دھریجہ دی کتاب (سرائیکی وسیب) وچوں چوݨ