کیکر دامان علاقہ پچادھ دا گوہر

دامان علاقہ، خاص کر پچادھ چوٹی بالا دے علاقے وِچ، کیکر دا درخت ٻہوں پاتا ویندے۔ ایں علاقے دی زرخیز مٹی تے پتھریلی زمین کیکر کیتے بہترین ہے۔ ایہ درخت نہ صرف چھاں فراہم کریندے بلکہ ایندی ہر ہک چیز طبی لحاظ نال بہوں قیمتی ہے۔ کیکر دے پتے، پھلیاں، گوند، جڑ تے پھُل، سبھے گوہر نایاب ہن۔ ہُݨ دے موسم وِچ کیکر دیاں پھلیاں ساݙے علاقے وِچ ٻہوں ملدن۔ ایں پھلی دا ہک زبردست نسخہ جوڑاں دے درد، گھٹݨیاں دے خشک تھیوݨ، کمر دی مہراں دے درد، ہڈیاں دے درد، تے جوڑاں توں ٹک ٹک دی آواز آوݨ ورگیاں تکلیفاں کوں مکمل ختم کر ݙیندے۔ ایندے نال نال ایہ نسخہ مرداں تے عورتاں دی پوشیدہ کمزوری کیتے وی معاون ہے۔

نسخہ بݨاوݨ دا طریقہ

1. کیکر دیاں پھلیاں کوں توڑ کے دھپ تئیں سکا گھِنو۔

2. سکیاں پھلیاں کوں پیس کے باریک پاؤڈر بݨا گھِنو تے کپڑے نال چھان کر ہوائی بند جار وِچ رکھو۔

استعمال دے طریقے

1. جوڑاں/ہڈیاں دے درد کیتے: صبح تے شام، نیم گرم پانی دے گلاس وِچ ہک چمچ کیکر پاؤڈر تے ہک چمچ شہد ملا کے پیو۔ ایں نال جوڑ لیسدار تے مضبوط تھی ویسن۔

2. پوشیدہ کمزوری کیتے: 50 گرام کیکر پاؤڈر وِچ 20 گرام مصری ملاوو۔ صبح تے شام نیم گرم پانی نال استعمال کرو۔ مرداں دی سپرمز دی کمی یا کمزوری وِچ وی ایہ فائدہ مند ہے۔

احتیاط

- 20 سال توں گھٹ عمر دے لوک ایہ علاج نہ کرن۔ - شوگر دے مریض مصری یا شہد کٹھے نہ رلاون، صرف پاݨی نال پاؤڈر استعمال کرن۔

کیکر دا ایہ نسخہ قدرتی علاج دا خزانہ ہے۔ اللہ دے حکم نال، ایندے مستقل استعمال نال تکلیفاں دا خاتمہ تھی ویندے۔ طبی مشورے کیتے ڈاکٹر نال ضرور صلاح کرو۔

✍️ کالم نگار: اورنگزیب اورنگ بغلانی تاریخ: 17:03:2025ء