کیٹی پیری

کیٹی پیری
(انگریزی میں: Katy Perry)
معلومات شخصیت
پیدائشی نام	(انگریزی میں: Katheryn Elizabeth Hudson)
پیدائش	25 اکتوبر 1984ء (41 سال)  سانتا باربرا، کیلیفورنیا
شہریت	ریاستہائے متحدہ امریکا
قد	171 سنٹی میٹر
وزن	61 کلو گرام
جماعت	ڈیموکریٹک پارٹی
شریک حیات	رسل برانڈ (23 اکتوبر 2010–2012)
ساتھی	ڈیپلو (2014–2015)
مناصب
یونیسف کے خیر سگالی سفیر
آغاز منصب 3 دسمبر 2013
عملی زندگی
مادر علمی	سانتا باربرا سٹی کالج
پیشہ	گلو کارہ ،  ادکارہ ،  صوتی اداکارہ ،  رقاصہ ،  کاروباری شخصیت ،  نغمہ نگار
مادری زبان	انگریزی
پیشہ ورانہ زبان	انگریزی
نوکریاں	یونیسف
کل دولت	330000000 امریکی ڈالر (2021)
دستخط
ویب سائٹ
ویب سائٹ	باضابطہ ویب سائٹ
	IMDB پر صفحہ

کیتھرین الزبتھ ہڈسن (جم 25 اکتوبر، 1984ء) جیڑھی پیشہ ورانہ طور تے کیٹی پیری دے ناں نال مشہور ہِن، ہک امریکی گلوکارہ، نغمہ نگار تے ٹیلی ویژن مصنفہ ہِن۔ انّھاں 2010ء دی دہائی اچ اپݨے جدت بھرے انداز کِیتے مشہور تِھئیاں۔ سولہ سال دی عمر اچ کیٹی نے موسیقی دے شعبے دا چُݨاو کِیتا، کیٹی پیری دا پہلا البم تجارتی لحاظ نال ناکام رہیا۔ ایہ البم کیٹی ہڈسن (2001ء)، ریڈ ہل ریکارڈز دے تحت جاری کِیتا ڳیا۔ انّھاں موسیقی اچ قدم رکھݨ کِیتے سترہ سال دی عمر اچ لاس اینجلس چلی ڳئیاں۔ پہلے البم دی ناکامی دے بعد انّھاں نے "کیٹی پیری" دا ناں اپݨی ماں دے پہلے ناں دی مناسبت نال اختیار کِیتا تے ایہ ناں انّھاں کوں اوج کمال تائیں پُجّا ݙِتّا۔ پروڈیوسر گلین بالارڈ تے گریگ ویلز دے نال، انّھاں نے جاوا ریکارڈز تے ول کولمبیا ریکارڈز دے نال ہک البم ریکارڈ کِیتا جیڑھا منظر عام تے نہ آ سڳیا۔ ایں دے بعد انّھاں نے اپریل 2007ء اچ کیپیٹل ریکارڈز دے نال ریکارڈنگ دا معاہدہ کِیتا۔

ذاتی حیاتی

کیتھرین الزبتھ ہڈسن 25 اکتوبر 1984ء کوں سانتا باربرا، کیلیفورنیا اچ پینٹی کوسٹل پادری میری کرسٹین تے موریس کیتھ ہڈسن دے گھر ڄَمّی ہَن۔ پیری انگریزی، جرمن، آئرش تے پرتگالی نسلوں نال تعلق رکھیندی ہِن۔ اپݨی ماں دے رشتے نال انّھاں فلم ڈائریکٹر فرینک پیری دی بھیݨ ہِن۔ انّھاں دا ہک چھوٹا بھرا ڈیوڈ وی ہک گلوکار ہِے۔

پیشہ ورانہ حیاتی

کیٹی پیری ہݨ تائیں دے سبھ توں زیادہ فروخت تِھیوݨ والے البم تے نغمے ڳاوݨ والے فنکاراں وِچوں ہک ہِن، انّھاں نے دُنیا بھر اچ 14 کروڑ 30 لکھ توں زیادہ ریکارڈ ڳانے موسیقی کمپنیاں دے اشتراک نال فروخت کِیتے ہِن۔ کیپیٹل کمپنی دے تحت منظر عام تے آوݨ والے انّھاں دے سارے اسٹوڈیو البم انفرادی طور تے ہک ارب توں زائد واری سݨے ڳئے ہِن۔ انّھاں دے ریکارڈ اچ 9 امریکی نمبر ایک انفرادی، ترائے امریکی نمبر ایک البم ہِن جنّھاں کوں دُنیا بھر اچ بے پناہ مقبولیت حاصل ہِے۔ انّھاں وِچ چار گنیز ورلڈ ریکارڈ، پنج بل بورڈ موسیقی ایوارڈ، پنج امریکن موسیقی ایوارڈ، ہک برٹ ایوارڈ تے ہک جونو ایوارڈ شامل ہِن۔ کیٹی پیری کوں 2011ء توں 2019ء تائیں موسیقی اچ سبھ توں زیادہ کَمائݨ والیاں زنانیاں دی فوربز دی سالانہ فہرستاں اچ شامل کِیتا ڳیا۔ انّھاں نے 2012ء اچ کیٹی پیری: پارٹ آف می دے عنوان نال ہک سوانحی دستاویزی فلم جاری کِیتی۔ کیٹی پیری نے امریکن آئیڈل 2018 (سولہویں سیزن) اچ منصف دے طور تے وی کم کِیتا۔ انّھاں ݙاہ کروڑ توں زیادہ پیروکاراں دے نال ٹویٹر تے سبھ توں زیادہ پیروی کِیتی ونڄݨ والیاں زنانیاں وِچوں ہک ہِن۔