7 جنوری 2025ء توں شروع تھیݨ آلی 23 خوفناک جنگلی بھاہ نے لاس اینجلس تے آس پاس دے علاقیاں کوں متاثر کیتا ہے۔ خشک سالی، گھٹ نمی تے سانتا انا دی ہوائیں دی وجہ توں اے حادثات ٻہوں ودھ شدت اختیار کر ڳئے ہن، جنہیں دی رفتار کجھ جاہیں تے 100 میل فی گھنٹہ (160 کلومیٹر فی گھنٹہ) توں وی ودھ ہئی۔ 13 جنوری 2025ء توں گھٹ از گھٹ 25 لوک ہلاک تھی ڳئے ہن، تقریباً 180,000 لوکیں کوں کڈھیا ڳیا ہے تے 12,401 توں ودھ عمارتاں تباہ یا متاثر تھیاںہن۔ تقریباً ݙودرجن لوک لاپتہ قرار ݙتے ڳئے ہن۔ حکام دا آکھݨ ہے کہ ایں ہفتے ہلاکتیں دی تعداد ودھݨ دا خدشہ ہے کیونکہ سانتا انا دی تیز ہوائیں ولا شدت اختیار کرݨ دی توقع ہے۔ فائر فائٹرز طویل مدتی موسمی حالات تے نظر رکھیے ہوئے ہن تے آوݨ آلے کجھ ݙینھ تے توجہ مرکوز کیتی ڳئی ہے، جیندے وچ تیز ہوائیں، سڑیے ہوئے علاقیاں دا جائزہ، ملبے کوں ہٹاوݨ تے سیلاب دے خطرات شامل ہن۔ تیاریاں دا بندوبست کیتا ڳیاہے تاں جہری بھاہ بجھاوݨ دے عمل توں فوری طور تے سیلابی آپریشن وچ منتقل تھیا ونڄ سڳے، کیونکہ سالانہ مون سون بارشیں اگلے کجھ ہفتیاں وچ متوقع ہن۔

پالیسیڈ تے ایٹن آتشزدگی

زیادہ تر نقصان ݙو جاہیں تے لگی وݙی بھاہ دی وجہ توں تھیا ہے: پیسیفک پالیسڈز وچ پیلیسیڈز فائر تے الٹاڈینا وچ ایٹن فائر۔ چار جاہیں تے لگی وݙی بھاہ نے ہݨ تک 62 مربع میل توں ودھ علاقے کوں ساڑ ݙتا ہے۔ اے بھاہ ممکنہ طور تے کیلیفورنیا دی تاریخ دی ݙوجھی تے مجموعی طور تے چوتھی سب توں تباہ کن بھاہ قرار ݙتی ونڄ سڳدی ہے۔

پس منظر

7 جنوری توں 10 جنوری تک بھاہ دے حادثات دی پیش گوئی کیتی ڳئی ہئی۔ 2 جنوری کوں، نیشنل انٹرجنسی فائر سینٹر نے خبردار کیتا ہا کہ جنوبی کیلیفورنیا وچ حالات "غیر معمولی بھاہ دے امکانات" پیدا تھیندے پئین۔ اوں ہی ݙینہہ، مقامی نیشنل ویدر سروس (NWS) دی پیش گوئیاں نے شدید بھاہ دے امکانات کوں نوٹ کیتا تے بھاہ دے خطرے کیتے متنبہ کیتا ہا۔ 3 جنوری کوں، سٹورم پریڈکشن سینٹر (SPC) نے 8 جنوری کوں تھیوݨ آلے بھاہ دے خطرے دی پیش گوئی کیتی تے 7 جنوری کوں، بھاہ دے موسم دے پہلے ݙینہہ، SPC نے 8 جنوری کیتے انتہائی بھاہ دے موسم دا انتباہ جاری کیتا۔

لاس اینجلس اتے وینٹورا کاؤنٹی کیتے، NWS نے ریڈ فلیگ وارننگ جاری کیتی، جیدا مطلب انتہائی خطرناک بھاہ دے حالات ہن تے اینکوں "خصوصاً خطرناک صورت حال" قرار ݙتا جیہڑا زندگی تے املاک کیتے وݙا خطرہ رکھدی ہے۔ ایں انتباہ وچ اے واضح کیتا ڳیا ہا کہ طاقتور ہوائیں تے گھٹ نمی دی وجہ توں بھاہ تیزی نال پھیل سڳدی ہے۔ جنوبی کیلیفورنیا 2024ء دے موسم گرم توں خشک تھیندا ویندا ہا، کیونکہ طوفانی نظاماں نے زیادہ تر شمال مغربی بحرالکاہل تے شمالی کیلیفورنیا کوں متاثر کیتا ہا، جݙاں کہ ال نینو-جنوبی ارتعاش (ENSO) ال نینو توں لا نینا دی طرف تبدیل تھیندا ویندا ہا، جیہڑا جنوری 2025ء وچ کمزور لا نینا دے طور تے سامݨے آیا۔ دسمبر 2024ء دے آخر تک، زیادہ تر لاس اینجلس کاؤنٹی معتدل خشک سالی دے درجے وچ داخل تھی ڳئی ہئی، جیندے نال علاقے دے روایتی نم موسم وچ خشک نباتات دی وجہ توں بھاہ دا خطرہ ودھ ڳیا ہا۔

خشک نباتات نے خطرناک حالات کوں مزید ودھا ݙتا، کیونکہ جنوبی کیلیفورنیا دے کئی حصے شدید خشک سالی دا شکار ہن، بارش دے موسم دا تاریخ دا سب توں خشک آغاز تے ہوا دے طوفان تے بعد دی بھاہ توں پہلے دے نو مہینے دا سب توں خشک عرصہ ریکارڈ کیتا ڳیا۔ نیچر ریویوز ارتھ اینڈ انوائرنمنٹ وچ شائع تھیوݨ آلے ہک مطالعے دے مطابق، خطے وچ موسمیاتی تبدیلی نے درجہ حرارت وچ اضافہ کیتا ہے تے بارش دی سطح وچ عدم استحکام پیدا کیتا ہے۔ خشک سالیاں، جیڑھیاں وݙی بارش دے ادوار دے نال ہوندیاں ہن جیویں کہ 2022–23 تے 2023–24 دے بارش دے موسم، اچانک گھا، جھاڑیاں تے درختیں دی نشو و نما دا باعث بݨدیاں ہن، جیڑھیاں تیزی نال سک کے جنگلی بھاہ کیتے ایندھن بݨ ویندیاں ہن۔

ماحولیاتی تحقیقی خطوط وچ شائع تھیوݨ آلی تحقیق دے مطابق، موسمیاتی تبدیلی نے گرم تے خشک موسم دے سمندری ہوائیں دے موسم دے نال متوازی ہوݨ دے امکانات ودھا ݙتے ہن، جیندے نال جنگلی بھاہ کیتے سازگار حالات پیدا تھی ڳئے ہن۔ طویل خشک موسماں نے مقامی پاݨی دی فراہمی کوں گھٹ کیتا تے کنٹرول شدہ بھاہ لاوݨ دے محفوظ ݙینھاں دی تعداد کوں محدود کر ݙتا، جیڑے بھاہ دے موسم شروع ہوݨ توں پہلے ایندھن کوں گھٹ کرݨ کیتے ضروری ہن، جیندے نال فائر فائٹنگ کیتے اضافی چیلنجز پیدا تھئے ہن۔ انسٹی ٹیوٹ پیئر سائمن لیپلاس دے محققین دی جانب توں کیتی ڳئی ہک تیز رفتار موسمیاتی جائزہ تحقیق نے اے نتیجہ اخذ کیتا کہ شدید بھاہ دے حالات بنیادی طور تے انسانی ساختہ موسمیاتی تبدیلیاں دی وجہ توں پیدا تھئے ہن، جݙاں کہ قدرتی موسمیاتی تغیرات نے معمولی کردار ادا کیتا ہا۔ انہاں نے اے معلوم کیتا کہ متاثرہ علاقیاں وچ موسمی حالات وچ 1950ء–1986ء دے دوران پیش آوݨ آلے واقعات توں واضح فرق ہا، جیندے وچ درجہ حرارت وچ 5 °C تک اضافہ، بارش وچ 15% تک کمی، ہوائیں دی رفتار وچ 5 کلومیٹر فی گھنٹہ (تقریباً 20%) تک اضافہ تے شہری درجہ حرارت وچ 3 °C تک اضافہ شامل ہا ۔

جنگلی بھاہیں دی فہرست

ناں	آغاز مقام	علاوہ	تاریخ ابتدا	Containment date	تباہ شدہ عمارتاں	نوٹس
Riversid	سان برنارڈینو کاؤنٹی، کیلیفورنیا	1 acre (0.40 ha)	جنوری 7	جنوری 7	"Multiple"	کئی گاڑیاں اتے کئی عارضی رہائش گاہاں جل ڳیاں۔
Sunset	لاس اینجلس کاؤنٹی، کیلیفورنیا	1.5 acre (0.61 ha)	جنوری 7	جنوری 7	None	عمارتاں کوں خطرہ ہا۔ ہالی ووڈ ہلز وچ اوں ناں دی اگ نال فرق اے جیڑی جنوری 8 کوں شروع تھئی ہئی۔
Palisades	لاس اینجلس کاؤنٹی، کیلیفورنیا	23,713 acre (9,596 ha)	جنوری 7	14%	5,300	کڈھݨ؛ پیسیفک پالیسڈس، لاس اینجلس، سانتا مونیکا، کیلیفورنیا دے شمال مغرب