کیف انصاری
اصل ناں خیر محمد
قلمی ناں کیفؔ انصاری
جٖمنْ 1930ء
کیفؔ انصاری دا تعلق ڈیرہ غازی خاں نال ہے آپ دا شمار اردو تے سرائیکی دے نامور شعرا ء وچ تھیندے۔انہاں دا ہر ہک شعر مؤثر تے جاندار ہوندے۔نمونہ کلام!
غزل
[لکھو | ماخذ وچ تبدیلی کرو]کیویں لکھاں میڈٖا سوہنْاں غزلاں تیڈٖے نانویں
میکوں حرف دے کالے کھوہ اچ سٹیا درد بھرانویں
تیڈٖا بھولا بھنّنْ کیتے اے وی بٖانْ مریساں
اکھیں تیڈٖا راہ بھلیسن آنویں یا نہ آنویں
بھولے لوک ان روز ڈٖیہاڑی ایہو سوچ کے اُٹھدن
سُتے سیت جگٖاونْ کیتے کاں کاں کیتی کانویں
ڈٖیکھ ہوا! ایں دنیا وچ ہے وڈٖا جرم ضعیفی
تیڈٖی مرضی شاخیں کوں توں جیویں ناچ نچانویں
خوشیاں ڈٖے تے درد گھدومی جھولی نئیں تھئی خالی
ڈٖکھیں ،سکھیں تھی گٖئے یارا! لیکھا سانویں لانویں
تساں ڈٖسو پیریں تلے کیکوں کیفؔ لتاڑاں
کیویں ٹراں سڑکاں اُتے ستے پَین پچھانویں
٭٭٭