کیفی رسول پوری

اصل ناں       ذوالکفل احمد

قلمی ناں       کیفیؔ رسولپوری

ڄمݨ           1984ء

تعلیم          ایم اے ، ایم فل

پیشہ           معلم

فون نمبر        0333 6456005

جاہ پتہ         رسولپور تحصیل جام پور ضلع راجن پور

غزل

مونجھ مستی دا سال رہ ڳئے

دل کوں تیݙا خیال رہ ڳئے

سجھ جو نکھتے سنبھل نئیں سڳیا

تیݙے زلفیں دا ڄال رہ ڳئے

تیݙے ہونٹھیں تے پُھل نکل اَئے

کون چݨسی ملا ل رہ ڳئے

میݙے لہجے خوشامدی ہن

تیݙا جلوہ جلال رہ ڳئے

تیݙے تارے عروج تے ہن

میݙا جیوݨ محال رہ ڳئے

میکوں اپݨے نشان بھُل ڳئے

تیݙا سایہ تاں نال رہ ڳئے