کیرھیاں کیرھیاں ڳالھیں یاد کروں؟
ہو ہو ، ڳالھیں ڈھیر ءِن کیرھیاں کیرھیاں یاد کروں ،اَڄ پچھتیندوں جو جئیں ویلے جوانی ہئی ، وقت ویلہا ہا ، لکھݨ پڑھݨ جوڳے ہاسے ، ساریاں یاداں لکھدے ونڄوں ہا اَڄ کتاباں بݨ ونڄن ہا ۔ خاص طور تے اُستاد نال گزرے یادیں دی وݙی کتاب بݨے ہا ۔ شئت اے ڳال میں کیتی اے یا کائناں جو میکوں ادب دا ذوق اُستاد دے نال رہݨ دی وجہ توں تھیا ، میکوں تاں کیا اُستاد دے آوݨ نال اساݙے سارے سکول کوں رنگ لڳ ڳئے ۔ میݙا اتھاں کوٹلہ دیوان ءِچ وݙا بنگلہ ہے ، کراچی ءِچ وی کوٹھیاں ، کاراں تے بنگلے ہن ، پر میکوں میانوالی شیخاں آلا گھر نی بُھلدا تے نہ او سنگتی بُھلدن ، کیوں جو اُتھاں میݙی حیاتی گزری اے ، میکوں ہک ہک پَل یاد اَمدے۔ میں ہُݨ وی دُعا کرینداں جو اللہ سئیں میݙے سارے سنگتیں کوں خوش ، آباد تے شاد رکھے تے میانوالی شیخاں وی خوش ہووے۔
حوالہ
[لکھو | ماخذ وچ تبدیلی کرو]کتاب "قیس فریدی ۔ فن شخصیت اَتے شاعری " ترتیب پیشکش : مہر حامد علی شاکر سیال ، ناشر جھوک پبلشرز ، ملتان