کیرتی کلہاری

کیرتی کلہاری
معلومات شخصیت
پیدائش	30 مئی 1985ء (40 سال)  ممبئی
شہریت	بھارت
عملی زندگی
پیشہ	ادکارہ
	IMDB پر صفحہ

کیرتی کلہاری ہِک بھارتی اداکارہ تے ماڈل ہِن جو زیادہ تر بالی ووڈ ہندی فلماں وچ نظر آندیاں ہِن۔ صحافت تے ماس کمیونی کیشن دی ڈگری تے پوسٹ گریجویشن کرݨ دے بعد، کیرتی کلہاری نے 2002ء وچ اُڑیہ زبان دی ہِک فلم دھارینی نال اداکاری دا آغاز کِیتا۔ اوہ بالی ووڈ وچ پہلی واری کھچڑی: دی مووی (2010ء) وچ نظر آئے، اِیندے بعد 2011ء دی فلم شیطان وچ وی اہم کردار ادا کِیتا۔ اِیندے بعد اوہ کئی کامیاب فلماں وچ نظر آئے، جنہاں وچ پنک (2016ء)، اڑی: دی سرجیکل اسٹرائک (2019ء) تے مشن منگل (2019ء) شامل ہِن۔ آخری ݙو فلماں سبھ توں زیادہ کمانے والیاں بالی ووڈ فلماں وچ شامل ہِن۔

ابتدائی زندگی تے پس منظر

کیرتی کلہاری ممبئی وچ پیدا تِھئے تے اتّھائیں اُنّھاں دی پرورش تِھئی۔ اُنّھاں دے خاندان دا تعلق راجستھان دے ضلع جھنجھنو نال ہِے۔

اداکاری دا کیریئر

ابتدائی کیریئر

کیرتی کلہاری نے اپݨے کیریئر دا آغاز تھیٹر تے ٹی وی اشتہارات نال کِیتا۔ اُنّھاں نے یاتری ناں دے ہندی تھیٹر گروپ وچ ہِک مہینے تک اداکاری دی ورکشاپ کِیتی۔ اِیندے بعد اُنّھاں نے ترئے ڈرامیاں وچ کم کِیتا: یاتری گروپ دے نال چنٹا چوڈ چنتمانی، اے کے مختلف پروڈکشن دے نال ایزیمو دے شہنشاہ تے یاتری گروپ دے نال سکھارام بائنڈر دی ہندی موافقت۔ کیرتی کلہاری بہت سارے ٹیلی ویژن اشتہارات دا چہرہ رہیے ہِن، جنہاں وچ لوٹس میوچل فنڈز، ٹریول گرو، ویڈیوکون ایئر کنڈیشنر، پیراشوٹ گورجس ہمیشا کمپین، آئی سی آئی سی آئی بینک، کایا سکن کلینک، تاج محل چائے (اداکار سیف علی خان دے نال)، ایوریوتھ فیس واش، وہرپول ریفریجریٹرز (اداکار اجے دیوگن تے کاجول دے نال)، اسپائس موبائل، ورجن موبائلس (اداکار رنبیر کپور دے نال)، کلوزاپ، جے دے وائٹ سیمنٹ تے ٹک ٹیک ماؤتھ فریشینر شامل ہِن۔ کیرتی کلہاری 2 سال دی مدت تک بیوٹی برانڈ نیویا ویزج اسپارکلنگ گلو دا چہرہ رہیے ہِن۔ کیرتی کلہاری گپی گریوال دے میوزک ویڈیو دیسی راک اسٹار 2 البم وچ ہِک گیت "وچ جان" دا حصہ وی رہیے ہِن، اِیندے علاوہ اوہ گلوکار ابھیجیت ساونت دے گیت "جنون" تے "میتراں دی چھتری" وچ وی نظر آئے۔[حوالہ درکار]

پیش رفت (2010–2015)

کیرتی کلہاری نے اپݨے فلمی اداکاری دا آغاز کھچڑی: دی مووی، نال کِیتا، جیڑھی اکتوبر 2010ء وچ ریلیز تِھئی۔ کیرتی کلہاری کوں اپݨی ݙوجھی فلم کِیتے 2011ء دی فلم شیطان وچ اداکاری دا موقع مِلیا، جیڑھی جون 2011ء وچ ریلیز تِھئی۔

2013ء وچ، اوہ سوپر سے اوپر ناں دی فلم وچ نظر آئے، جیڑھی باکس آفس تے چنگّی کارکردگی دا مظاہرہ کائنی کر سڳی۔

مرکزی دھارے وچ کامیابی (2016 — موجودہ)

2016ء وچ، اُنّھاں نے فلم پنک وچ اداکارہ تاپشی پنوں تے امیتابھ بچن دے نال کم کِیتا، جیندے وچ اُنّھاں کوں اپݨی کارکردگی کِیتے سراہا ڳیا۔ اِیہ فلم تجارتی تے تنقیدی لحاظ نال وی کامیاب رہی۔ 2017ء وچ، اوہ مدھر بھنڈارکر دی سیاسی تھرل نال بھرپور فلم انڈو سرکار وچ انڈو دے ٹائٹل رول وچ نظر آئے۔ 2018ء وچ، اُنّھاں نے عرفان خان دے نال فلم بلیک میل وچ اداکاری کِیتی۔

2019ء وچ، اوہ تجارتی تے تنقیدی طور تے کامیاب فوجی ایکشن فلم اڑی: دی سرجیکل اسٹرائک وچ ہندوستانی فضائیہ دی افسر سیرت کور دے کردار وچ نظر آئے۔ اِیں سال، اوہ ایمیزون پرائم ویڈیو تے ویب ٹیلی ویژن سیریز فور مور شاٹس پلیز وچ وی نمودار تِھیے۔ اُنّھاں نے مشن منگل وچ کم کِیتا ہِے، جو ہندوستان دے مارس آربیٹر مشن تے مبنی فلم ہِے، جیڑھی 15 اگست 2019ء کوں ریلیز تِھئی ہئی۔

کیرتی کلہاری جلد ہی ہِک پیریڈ سنسنی خیز فلم 'سن 75' وچ نظر آسڳدیاں ہِن، جیندے وچ اُنّھاں دے نال اداکار وِ کے کے مینن ہِن۔ اِیہ فلم 2015ء وچ فلمائی ڳئی ہئی پر 2019ء تک تاخیر دا شکار ہئی۔

فلمو گرافی

سال	عنوان	کردار
2020	دی گرل آن دی ٹرین	عالیہ شیرگل
2019	مشن منگل	نیہا صدیقی
	اڑی: دی سرجیکل اسٹرائیک	فلائٹ لیفٹیننٹ سیرت کور
	سن '75 پچتھر
2018	بلیک میل	رینا کوشل
2017	اندو سرکار	اندو سرکار
2016	کیوٹ کمینہ	اونتیکا
	پنک	فلک علی
2014	جل	کیسر
2013	سوپر سے اوپر	گلابو (گل)
	رائز آف زومبی	ونی
2011	شیطان	تانیا شرما
2010	کھچڑی: دی مووی	پرمندر

ویب سیریز

سال	عنوان	کردار
2019	فور مور شاٹس پلیز!	انجنا مینن
	بارڈ آف بلڈ	جنت