کہکشاں اعوان

کہکشاں اعوان
معلومات شخصیت
پیدائش	20 فروری 1962ء (63 سال)
شہریت	پاکستان
عملی حیاتی
پیشہ	ادکارہ
	IMDB پر صفحہ

کہکشاں اعوان (اردو: کہکشاں اعوان، کنوں) ہِک پاکستانی اداکارہ ہِن۔ اُوہ کلاسیک ڈرامیاں "جنگل" اَتے "دھوپ کنارے" وِچ آپݨے کرداراں کِیتے سُن٘ڄاݨی وین٘دی ہِن۔

ابتدائی حیاتی

اُوہ کراچی، پاکستان وِچ ڄَمّی ہَئی۔ این٘دے پِیؤ پاکستان ائیر فورس کِیتے کَم کرین٘دے ہَن اَتے ٹٻّر کوں تقریباً ہر ݙُو ورھیاں بعد آپݨی ملازمت دی تفویض دے لحاظ نال ٻئی جاء ونڄݨاں پون٘دا ہَئی اَتے اُوہ چِھی انجو انج جائیں اُتے رہن٘دے ہَن۔ ایں نے کراچی دے ایلمینٹری سکول وِچ تعلیم گِھدی اَتے اُتّھاں مرینہ خان نال این٘دی یاری تھی ڳئی جہڑیلے اُوہ ݙُونہیں تریجھی جماعت وِچ ہَن۔

کَم کار آلی حیاتی

1980ء وِچ کہکشان نے کالج وِچ ہِک ماڈلنگ شو کِیتا اَتے اُوں نے مرینہ دے نال رَل کے قحط دی وجہ کنوں ایتھوپیاکِیتے چندہ کٹّھا کِیتا۔ اُوہ اَٹھ ہزار ڈالر کٹّھا کرݨ وِچ کامیاب رہی جہڑے اُوں نے ایتھوپیا کوں دان کر ݙِتّے۔ انّھاں نے بطورِ ماڈل کَم دا اَغاز کِیتا اَتے وَل پی تی وی دے ہِک ڈائریکٹر نے انّھاں نال ڈرامے کِیتے رابطہ کِیتا جیکوں انّھاں نےقبول کِیتا۔ اُوہ "انجی" اَتے "دھوپ کنارے" دے کرداراں دی وجہ کنوں شہرت دیاں اُچائیاں تئیں پُڄّی جہڑے ݙیکھݨ آلیاں وِچ ݙاڈھے مقبول تھئے۔

ذاتی حیاتی

کہکشاں پرنی ہوئی ہِن اَتے انّھاں دے ترے ٻال ہِن۔