کہکشاں

کہکشاں ارباں، کھرباں تارئیں، نیبولائی[NEBULAE]، گیسیں، گردوغبار تے سیارئیں نال مل تے بنڑی ہوندی اے۔ کائنات تاںٻہوں وسیع اے۔ کائنات دا او حصہ جیڑھا ساکوں ہک وقت اِچ نظردے ،ہوندے اِچ 80 ارب کہکشائیں پاتیاں ویندین۔

ساݙی کہکشاں جیڑھی اندھاری رات اِچ ساکوں ٻیڑی دے گاسے وانگ ݙسدی اے اصل اچ 200 ارب تارئیں نال مل تے بݨی ہوئی اے۔ اینداں ناں مِلکی وے[MILKY WAY] ہے۔ ساݙا سِجھ 200 ارب تارئیں دے وچوں ہک درمیانے وجود دا تارا اے۔ سجھ مِلکی وے دے مرکز کنوں 30 ہزار نوری سال دے فاصلے تے موجود اے۔ ہک نوری سال[LIGHT YEAR] او فاصلہ اے جیڑھا روشنی ہک سال اچ طے کریندی اے۔ ہک نوری سال 9 کھرب کلو میٹر دے برابر ہوندے۔ ملکی وے مکان [SPACE]اچ 22 لَکھ کلومیٹر فی گھنٹہ دی رفتار نال حرکت کریندی پئی اے۔

شکل دے لحاظ نال ترے قسم دیاں کہکشائیں پاتیاں ویندن:

1۔ سپائرل گیلیکسی [SPIRAL GALAXY]  (جھڑ یا تھالی دی شکل آلی کہکشاں)

2۔ ایلیپٹیکل گیلیکسی [ELLIPTICAL GALAXY]  (انڈے دی شکل آلی کہکشاں)

3۔ اِرریگولر گیلیکسی[IRREGULAR GALAXY]  (بے قاعدہ شکل آلی کہکشاں)

حوالہ

کتاب: کائنات دا سفر ، مصنف : جعفر عباس بزدار ، ناشر: جھوک پبلشرز ملتان