کہانی دا گھر : 3

ہک ہئی ما ' اوں اپنڑے بالیں کوں لوری تے کہانڑی ڈتی ' کتاب تے لالٹین

اُنہاں دا گھر دریا دی لاہندی منڑ تے ہا ' چڑھدے پاسوں پُل تے لاہندے پاسوں ریلوے ٹیشن ' لمے دو سڑکی تے اُبھے دو دریا ' ڈاک بنگلے وچ پُھل ہَن تے دریا وچ جل پری رہندی ہئی ' کڈاہیں کڈاہیں جل پری دریا توں ٹردی انہاں دے گھر تانڑیں آ ویندی ' اوہ بالیں نال کھیڈدی تے ما اُنہاں کوں بسکٹ دا ڈبہ کھول ڈیوے ہا ' شام تھی ونجے ہا تے ما اُنہاں کوں دال چاول ڈیوے ہا ' جل پری گھابرے ہا نماشاں گھاٹی تھی گئی

وت اوں جل پری کول چار چونڑاں ہوندیاں ہَن ' لوری سُنڑے سم ونجے ' کہانڑی وچ جاگے ' کتاب وچ پَیہ ونجے ' لالٹین چاوے دریا تانڑیں پُجے

Rifat Abbas