کھٹ
وستی واݨ وٹݨ آلے ڈھیر ہن ، پہلے منڄ کپ اَمدے ہن ، منڄ کوں کُٹ تے منڄ دا واݨ بݨدا ہا ، منڄ دا واݨ چنگا سمجھا ویندے ۔ منڄ دے واݨ نال کھٹوں ونڑیندیاں ہن۔ کھٹڑے بݨاوݨ آلے مستری ہوندے ہن ، کاٹھی لکڑ اپݨی ہوندی ہئی ، آرے توں پاوے ، ٻاہیں تے شیرو بݨویندے ہن ، پاویں دی رندائی تھیندی ہئی ، چنگے پاوے گھڑ مُچھ تے رنگائے ویندے ہن ۔ کھٹ ووݨائی دے ڈیزائن پوپٹ ،چوکڑی گھرولی تے گلیں آلی ہوندے ہن۔ ڈاوݨ دا آکھدے ہن جو تکڑی ݙاوݨ نال کھٹ دی عمراں ودھ ویندی ءِ۔ ݙاوݨ کوں چھک وی سݙیندن۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان