کھُوڑہ

ضلع خوشاب تے تحصیل نوشہرہ دے ایں نِکے جیہیں قصبے کوں وادی سُون دا دل آکھیا ویندے۔ایں جھاہ دا ناں حضرت سلطان حاجی احمد دی کرامت نال منسوب ہے۔ انہاںعلاقے کوںلُٹ مار توںبچاوݨ سانگے اِتھاں ہک تالاب بݨوایاجئیں ء ِچ ہک لکڑی دٻ چھوڑی ، ھنجے جیکوں ’’کھوڑنا‘‘ آکھیا ویندے۔ ہیں وجہ نال اے آبادی خانہ جنگی تے حملیاں توں محفوظ رہی۔ کھوڑہ اصل اچ کھوڑنا دی وِگڑی ہوئی شکل اے۔

اے علاقہ کہیں زمانے ء ِچ بدھ مت دے زیر اثر ہا۔ ایندا ثبوت او تاریخی کتبہ ہے جیڑھا 1888ء ء ِچ کھوڑہ دے نیڑے کھٹوائی دے مقام توں ملیا۔اے کتبہ 13سطراں تے مشتمل ہے تے بدھ مت دے سکول ماہی ساساکا دے متعلق ہے۔کھُوڑہ ء ِچ صحت تے تعلیم دیاں سہولتاں موجود اِن۔ اتھاں بابے شاہ مراد دا مزار وی موجود ہے جنہاں دا ہر سال موسم گرما ء ِچ عرس میلہ تھیندے۔ مشہور صحافی تے کالم نگار عبد القادر حسن دا تعلق وی اِ یں قصبے نال ہے۔اے قصبہ آبادی دے اعتبار نال اُتے آلا تے تلے آلا شہر کوں ݙو حصیں ء ِچ تقسیم کریندے۔ معروف شاعر ، ادیب تے محقق بدرمنیر دا تعلق ایں قصبہ نال ہے۔ او 1964ء اچ پیدا تھئے۔ تعلیم مکمل کرݨ دے بعد درس و تدریس دے شعبے نال وابستہ تھئے۔ کئی کتاباں تحریر کیتیاں ، انہاں ء ِچ ویہویں صدی دا شعری ادب ، اشاریہ رسالہ راوی، مجھے پلکیں جھپکنے دو ،(مجموعہ غزلیات) ،دیدہ خوش آب (تذکرہ شعرائے خوشاب) ، رقعات عبد الحق (تحقیق ) اناردانے، شامل ہن۔