کھتران

کھتران پاکستان دا ہک پٹھان قبیلہ ہے۔ ایہ جعفر، چچہ تے لونی دا بھرا ہے تے میانہ دی اولاد ہے۔ کھتران قبیلے دے لوک عام طور تے کھترانی ٻولی ٻولیندے ہن۔ بارکھان ضلع بلوچستان وچ بارکھان شہر تے ضلع ڈیرہ غازی خان دے اردگرد وہوا شہر تے شہر دے اردگرد آباد ہن۔ کجھ ٹوبہ ٹیک سنگھ پنجاب وچ وی موجود ہن۔ سندھ وچ وی کھتران قبیلے دے لوک آباد ہن۔ کھتران قبیلے دا مرکزی مقام وہوا ہے تے وہوا دی کھتران جمانی فیملی پوری کھتران قوم دی سربراہ ہے۔ کھتران قبیلے دے موجودہ چیف سردار حافظ اورنگزیب عالمگیر خان کھتران ہن۔

آبادی دے اعداد و شمار:

• بارکھان - 180,000
• قیصرانی آلا - نامعلوم
• متیاولی - 3,280
• لترا - 4,662
• کوہر - 3,868
• جلوالی - 2,133
• کوتانی - 2,394
• کتھری - 1,511
• وہوا - 12,501

تاریخی واقعات:

روایات دے مطابق، شہنشاہ جلال الدین اکبر دے دور حکومت (1556ء تا 1605ء) وچ ݙو افراد نے شہنشاہ دے خزانے توں چوری کیتی۔ بعد وچ اوہ پکڑیے ڳئے تے شہنشاہ نے انہاں کوں موت دی سزا سݨائی۔ ایہ چور بھڄ کے وہووا دے کھترانیں دے کول پناہ ڳھن ڳئے۔ شہنشاہ جلال الدین اکبر نے کھترانیں تے یلغار کر ݙتی۔ کھترانیں دا وݙا جانی نقصان تھیا تے کجھ کھترانیں نے لغاری بارکھان وچ پناہ ڳھن ڳھدی۔

بارکھان بلوچستان (پاکستان) دے ضلع بارکھان دی تحصیل بارکھان دا ہک چھوٹا شہر ہے۔ ایہ ضلع بارکھان دا صدر مقام ہے۔ سطح سمندر توں بلندی 1100 میٹر (3612 فٹ) ہے۔ 99 فیصد آبادی مسلمان ہے جیہڑی بنیادی طور تے کھتران قبیلے تے مشتمل ہے۔

ادبی خدمات:

کھترانیں دی تاریخ تے فرزند چیف کھتران سردار رب نواز خان کھتران، سردار محمد سعد اللہ خان کھتران نے ہک مفصل تے جامع کتاب "تاریخ کھتران" دے ناں نال دو ایڈیشنز وچ مرتب کیتی ہے۔ اوہ سرائیکی دی سب توں پہلی وݙی لغت دے مصنف وی ہن۔ سردار سعد اللہ خان کھتران کوں انہاں دی ادبی خدمات دے اعتراف وچ 2012 وچ صدر پاکستان آصف علی زرداری نے "تمغہ امتیاز" نال نوازیا۔