کچاکھوہ

کچا کھوہ ضلع خانیوال دا ہک قصبہ ہے۔ ساہیوال خانیوال ریلوے لائن کنوں تقریباً چوݙاں میل دے فاصلے تے ہے۔ اے قصبہ پاکستان نیشنل ہائی وے تے واقع ہے۔ اتھاں کپاہ ، اٹا پیہیݨ تے تیل کݙھݨ دے کارخانے ہن۔ خاندانی منصوبہ بندی دا مرکز، مارکیٹ کمیٹی، تھاݨہ، ڈاک خانہ، بینک ،مربوط دیہی ترقیاتی مرکز، ہسپتال، ہائی سکول، اہم سرکاری ادارے ہن۔ مدرسہ معراج العلوم، مرکزی جامع مسجد، اہم دینی تے روحانی مراکز ہن۔ راجہ بازار تے پیر بازار کاروباری مراکز ہن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء