کپیل دیو
کپل دیو رام لال نکھنج، 6 جنوری 1959ء کوں پیدا تھئے، بھارت دے ہک سابق کرکٹ کھلاڑی ہن۔ اوہ ہک تیز میڈیم باؤلر اتے سخت ہٹ کرݨ آلے مڈل آرڈر بلے باز ہن اتے وزڈن نے 2002ء وچ انہاں کوں صدی دا بھارتی کرکٹ کھلاڑی قرار ݙتا۔
کپل دیو نے 1983ء دا کرکٹ ورلڈ کپ جِتݨ والی بھارتی کرکٹ ٹیم دی کپتانی کیتی اتے ایں طرحاں کرکٹ ورلڈ کپ جِتݨ والے پہلے بھارتی کپتان بݨ گئے۔ اوہ اڄ وی کہیں وی ٹیم کیتے ورلڈ کپ جِتݨ آلے سب توں ڳھٹ عمر دے کپتان ہن (24 سال دی عمر وچ)۔ اوہ 1994ء وچ ریٹائر تھئے، اوں ویلے ٹیسٹ کرکٹ وچ سب توں زیادہ وکٹاں ڳھنݨ دا عالمی ریکارڈ انہاں دے کول ہئی، جینکوں بعد وچ کورٹنی والش نے 2000ء وچ توڑ ݙتا۔ کرکٹ، ٹیسٹ اتے ون ڈے میچاں وچ، اوہ ون ڈے وچ 200 وکٹاں ڳھنݨ آلے پہلے کھݙاڑی ہن۔ اوہ کرکٹ دی تاریخ دے واحد کھݙاڑی ہن جنہاں نے 400 توں زیادہ وکٹاں (434 وکٹاں) ڳھدیاں اتے ٹیسٹ وچ 5,000 توں زیادہ رنز بݨائے، جیندے نال اوہ کرکٹ دی تاریخ دے عظیم ترین آل راؤنڈرز وچوں ہک بݨ گئے۔
کپل دیو دی آل راؤنڈ کارکردگی دی سنیل گواسکر سمیت ٻئے کرکٹراں نے وی تعریف کیتی اے، جیہڑے انہاں کوں کھیل کھیݙݨ آلے عظیم آل راؤنڈرز وچوں ہک منیندن۔ اوہ ستمبر 1999ء توں ستمبر 2000ء دے درمیان بھارتی قومی ٹیم دے کوچ وی ریہے۔ 11 مارچ 2010ء کوں کپل دیو کوں آئی سی سی کرکٹ ہال آف فیم وچ شامل کیتا ڳیا۔ انہاں کوں 1982ء وچ پدم شری اتے 1991ء وچ پدم بھوشن نال نوازا ڳیا۔
ایوارڈز
[لکھو | ماخذ وچ تبدیلی کرو]1979-80ء - ارجن ایوارڈ۔
- 1982ء - پدم شری
- 1983ء - وزڈن کرکٹ کھلاڑی آف دی ایئر۔
- 1991ء - پدم بھوشن۔
- 2002ء - وزڈن انڈین کرکٹ کھلاڑی آف دی سنچری۔
- 2010ء - آئی سی سی کرکٹ ہال آف فیم۔
- 2013ء - NDTV کے ذریعہ ہندوستان میں 25 عظیم ترین گلوبل لیونگ لیجنڈز۔
- 2013ء - سی کے نائیڈو لائف ٹائم اچیومنٹ ایوارڈ۔
ٻیا ݙیکھو
[لکھو | ماخذ وچ تبدیلی کرو]- کرکٹ
- ٹیسٹ کرکٹ
- بھارت قومی کرکٹ ٹیم
- بھارت کے ٹیسٹ کرکٹ کھلاڑیوں کی فہرست
- نارتھمپٹن شائر کاؤنٹی کرکٹ کلب کے کھلاڑیوں کی فہرست
- بھارت کے ایک روزہ بین الاقوامی کرکٹ کھلاڑیوں کی فہرست