کُتّے، ٻلیاں ، چوہے ، مچھیاں ، ݙݙاں ، سسار تے ڳیہلڑ وغیرہ
سرائیکی لوک قصیّاں اَتے قصوصیاں وچ انہاں زناوریں دا وی ٻہوں ڈھڳ اظہار تے کردار نظردے ۔ کیوںجو ایہ سرائیکی وسیب دے عام زمینی تے پاݨی دے زناور ِن پاݨی آلے زناور دریائی علاقیاں دیاں کہاݨیاں وچ ڈھیر نشابر تھیندن جݙاں جو خشکی آلے زناور ، میدانی اَتے پہاڑی علاقیاں دے قصیاں وچ ڈھڳ ہوندن۔انہاں دا کردار عموماً ثانوی ہوندے پر کتھائیں کتھائیں ٻالیں دے قصّیاں وچ مرکزی کردار وی تھی سڳدے ۔ جیڑھا ٻالیں کوں سمجھاوݨ کیتے ہوندے جو کݙاہیں وی معمولی شئیں کوں معمولی اَتے غیر اہم نہ سمجھو کیوںجو کݙاہیں سخت مشکل وچ ایہ چھوٹے چھوٹے زناور یا چھوٹیاں چھوٹیاں شئیں وی تہاکوں وݙی کنوں وݙی مشکل اَتے ڳیڑ کنوں بچا سڳدن ۔ شیر اَتے چوہے دی کہاݨی وچ ایہو پیغام ݙتا ڳئے جو کݙاہیں چوہے جیہا معمولی زناور وی شیر جیہے ݙاڈھے کوں بچا سڳدے۔ایہ زناور عموماً کہاݨی دے اہم کردار کیتے معاون تے مدد گار دی صورت وچ نشابر تھیندے۔
حوالہ
[لکھو | ماخذ وچ تبدیلی کرو]سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ‘ ملتان