کوکو مورے

کوکو مورے
معلومات شخصیت
تاریخ پیدائش	1928
تاریخ وفات	30 ستمبر 1981ء (عمر 52–53)
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
پیشہ	Actress, dancer
	IMDB پر صفحہ

کوکو مورے (ولادت: 1928ء، وفات: 30 ستمبر 1981ء) ہک اینگلو انڈین رقاصہ تے اداکارہ تھئیں۔ انھاں نے بھارتی سنیما وِچ اداکاری کِیتی۔

کوکو مورے چالیس تے پچاس دیاں دہائیاں وِچ بالی وڈ وِچ ہک بہترین رقاصہ دے طور تے مشہور تھئیں۔ انھاں دے جسم وِچ ایݙی لچک ہئی جو انھاں کوں "ربڑ گرل" وی آکھیا ویندا ہئی۔ اپݨی زندگی کوں بنداس انداز وِچ جیوݨ والی کوکو فلماں وِچ صرف ہک ڈانس کِیتے 6000 روپے گِھندا کرݨ آلی ہَن، جیڑھا ایں زمانے وِچ بہت وݙی رقم مݙیا ویندا ہئی تے وݙے وݙے اداکار وی ایݙی رقم نہیں گِھندا کرݨ ہَن۔ کوکو دی زندگی شان و شوکت نال بھری ہوئی ہئی۔ انھاں دے کول ترے لگژری گاڑیاں ہوندیاں ہَن: ہک اپݨے کِیتے، ہک دوستاں کِیتے تے ہک صرف کُتیاں کوں گھماؤݨ کِیتے۔ کوکو بہت دوست نواز وی ہَن، اَکثر اپݨے دوستاں دی دعوت کریندیاں ہَن۔ مگر پھر ایݙا وقت وی آیا جو انھاں دے کول دوا خریدنے کِیتے وی پیسے نہ ہَن تے سارے دوست احباب وی ساݙے چھوڑ ڳئے۔ آخری وقت وِچ اوہ کھاوݨ کِیتے وی محتاج تھی ڳئین۔ سبزی والے جیڑھیاں خراب سبزیاں سڑکاں تے سٹ ݙیندے ہَن، اوہ انھاں کوں چُݨ کے گھِن آندیاں تے پکا کے کھاندیاں ہَن۔ ڈانسر ہیلن کوں فلماں وِچ گھِن آوݨ دا کریڈٹ وی کوکو کوں ویندا ہِے۔ ہیلن نال انھاں دی بہت دوستی ہئی۔

پیشہ ورانہ حیاتی

کوکو دے کیرئر دی ابتدا 1946ء دی فلم عرب کا ایک ستارہ توں تھئی۔ ایں دے بعد ستم چاندی بݨائی۔ ایں ݙوہاں فلماں وِچ انھاں دے ناچ دا چرچہ تھیوݨ لڳا۔ محبوب خان نے کوکو دی اداکاری کوں پِچاݨ گِھدّا تے اپݨیاں فلماں دے ذریعے انھاں دے کیرئر کوں عروج تے پُڄا ݙِتّا۔ انھاں نے اپݨی 1948ء دی فلم انوکھی ادا وِچ کوکو دا رقص پیش کِیتا تے اوہ اپݨے زمانے دی سبھ توں بہترین رقاصہ بݨ ڳئین۔ ایں دے بعد انداز (1949ء) فلم وِچ نرگس دت، دلیپ کمار تے راج کپور دے نال نظر آئین۔ انھاں نے 1952ء دی ٹیکنی کلر فلم آن وِچ کم کِیتا۔

فوتڳی

کوکو 30 ستمبر 1981ء کوں ایں دنیا توں چلی ڳئین۔ انھاں دی موت تے کوئی ݙو بوند آنسو بہاوݨ والا وی نہ ہئی۔